【娛樂新聞】港姐2026｜楊媛媛漢服變身想拍古裝劇 顏懿菲盼奪三甲成碩士畢業禮物
.
《2026香港小姐競選》12位候選佳麗由師姐馮盈盈、陳懿德、黃嘉雯帶領下，昨晚到訪湖南古鎮景點南岳里，齊齊穿上漢服化身古代美人進行拍攝。

7號楊媛媛（Vera）首次穿漢服，大讚看似簡單但穿着過程需要別人協助。佢話經過今次打扮後覺得自己適合古裝造型，若然有導演邀請會嘗試拍古裝劇。同樣首次穿漢服的11號顏懿菲（Agnes）就話自己對歷史唔太了解，但好鍾意睇古裝劇，經過今次古裝扮相後深感要探索一下，自覺有啲古典美。

顏懿菲現正攻讀碩士課程，佢透露已交論文，可以全力應付港姐決賽。被問到打入三甲係咪最好嘅畢業禮物，佢話好想，希望大家多多支持。顏懿菲又話同楊媛媛一見如故，已經成為好友，平時鍾意傾扮靚話題。