👽 ⚡️ 小記7月31號，雨天，@陳慧琳-KellyChen 新歌《三秒一生》MV 首播 X Cantopop Party。

第三次參加 Kelly陳慧琳 新歌 MV 首播活動，啲歌真係越嚟越啱聽（真心說話 🤭）。呢首舞曲《三秒一生》由根本無需多作介紹嘅金牌唱作人雷頌德作曲、編曲、監製，加上許弘毅填詞，三人團隊再次合作，志在打造新世代的《失憶周末》「姊妹篇」，以「快節奏」、「無負擔」的聽感激活大眾被短視頻麻痹了的感官敏感度。成品已經面世，歌已聽，可以直接恭喜Kelly 演唱會嘅 Dance Medley已經新增一位合資格嘅新成員！三分鐘嘅長度真係好適合狂Loop，睇 MV 之前已經聽咗成日。琳琳姐「Cantopop 電音女皇」個招牌越「省」越靚，阿Mark 功不可沒。為什麼又是雷頌德，但有好歌總是雷頌德！

今次首播活動好特別，喺美利酒店1樓 The Arches 舉行，有音樂、飲品助興之餘，仲可以欣賞中環夜景。主角登場之前，有香港雙人DJ組合「Beat Friday（節拍星期五）」負責現場打碟炒熱氣氛。現場忠粉指數非常～之高，首首 Kelly 金曲，快歌帶動人群舞動的魔力就不在話下，連變奏的抒情歌亦都多次引起全場大合唱。

Kelly當晚大概九點半出場，第一件事就係為大家首播新歌《三秒一生》嘅 MV。Kelly 之後更現場慷慨唱出三首自家 BPM 經典舞曲《唔關你事》、《替換》以及《這班人》，將氣氛推到最～高點。參加呢種活動，想接近自己粒星，建議提早排隊入場😭。跟返 MV 主題，當晚 Dress Code 係「外星人」，有三位精心打扮自己嘅歌迷被選中，獲得與Kelly在台上合照的難得機會。Kelly離場之前向依依不捨嘅歌迷承諾，喺未來嘅演唱會，佢將會為大家準備更加精彩嘅演出。

講真，現場太多人，真係睇唔清楚個Mon。不過唔緊要，Kelly嘅全新舞曲《三秒一生》粵語版和國語版已經同步上線，高水準科幻視覺製作為音樂的重播價值錦上添花。見到 Kelly 仲肯投入咁多資源做新歌，希望會有好嘅回報！

隻歌我已經聽熟晒，MV亦都睇咗好多次。你呢？

#陈慧琳新歌三秒一生正式上线##陈慧琳三秒一生##陈慧琳新歌回归电音女王##陈慧琳##三秒一生##陈慧琳新歌电音派对# http://t.cn/AXC9YYdW