#twins[超话]# / #twinssidebyside演唱会#
20260910 01娛樂IG
Twins今日（10日）宣佈，十二月十八至二十日將於灣仔會展舉行一連三場《Twins Side by Side Concert》Sidetrack演唱會！

這次選址會展，阿Sa解釋因為Sidetrack，所以不想要一個很大的場地，笑說：「又驚唔夠人啦，哈哈。」阿嬌即謂應該不會，阿Sa就話：「咁Sidetrack吖嘛，我相信我哋唱返主打嗰啲歌，應該大啲都冇問題。」阿嬌坦言不擔心，「我覺得Sidetrack嘅歌會係跟得好貼嘅歌迷先會識唱，同埋又可以同大家近距離啲，感覺唔需要太大嘅台面。」阿Sa又提到之前看過《容祖兒·My Secret·Live》，同樣是Sidetrack演唱會，覺得那種溫馨感覺很好，坦言想跟fans距離近一點。阿Sa透露很多年前已經有在籌備，阿嬌則說想有一個以歌會友的感覺，說完二人忍不住大笑，阿Sa大讚阿嬌：「你真係講得好好呀，哈哈。」

歌單方面，阿Sa坦言第一輪選出六十多首Sidetrack，之後再篩選還剩四十幾多首，阿嬌問道：「我哋要唱幾多首呀？」阿Sa謂預計二十多三十首，阿嬌就話：「再加你心軟啦，加多10首，我諗三十幾四十差唔多。」她續說：「我揀歌嘅時候，對我嚟講全部都係新歌，哈哈。實在太陌生啦。」二人隨即大笑。

演唱會名為「Side by Side」，阿Sa拆解當中意思，「『Side by Side』就好似我同阿嬌咁多年、二十幾年嚟，我哋都係肩並肩一齊去跨過無論係開心定係唔開心，高光或者低谷嘅時候，我哋都係肩並肩。而Sidetrack亦都係同我哋嘅主打歌一直喺度肩並肩，所以先至成就到一張好好嘅專輯。」至於海報的賽車手造型，阿嬌即說：「Track（跑道）吖嘛。」阿Sa解說：「落Track呀我哋。即係呢一條路其實一路都係我同阿嬌兩個一齊衝，同埋我哋真係未試過賽車手嘅造型，扮鬼扮馬我哋都扮得多啦。」阿嬌就話：「係扮型我哋未試過。」 http://t.cn/AX0g2RKe