今晚成个过程系大癫，我点解当时唔记得攞手表录音！！！当时真系成个人紧张到打震，大脑一片空白，一些不完全对话大概如下：

me：Hello oscar～我终于排到啦，可唔可以四本都签啊？
卡：Hello，都可以啊
me：天啊，我好紧张呀……
卡：唔使紧张㗎，使乜咁紧张
me：（俾咗张纸仔）上边嗰句系我嘅，但系我friend佢喺上海嚟唔到，可唔可以帮佢签埋一齐？
卡：紧系可以啦，上边嗰句系咪写俾你啊？（分唔清边句打边句）
me：系呀，上边嗰句Glenda系写俾我嘅
卡：（望住我嗰句万事胜意）你真系要写万事胜意，而家唔系过年喎，你要提早过年？
me：哈哈哈哈哈系呀因为呢排发生咗好多唔系好好嘅事情，所以我就希望都可以顺利啲，提早同你讲句恭喜发财！
卡：（攞咗日常风物诗）呢本系咪写俾你friend？（开始写To，但系第一页系深色嘅，黑色笔写唔出嚟，攞咗另外一支金色嘅笔，但系嗰支笔冇水，然后话咁我就写到第二页）
me：系呀系呀，下边嗰句写俾Carmen嘅
卡：（望住句无论多么坏，好心态）点解系呢句嘅？唔系我写嘅喎（笑）
me：因为我同我friend两个都好紧张，啱啱先大脑一片空白，完全都谂唔到可以写啲咩好，所以就攞咗佢句简介……（努力解释，但系口窒窒语无伦次中）
卡：（笑）真过分～真过分～（边签边笑住讲）
me：（继续努力解释）但系我要帮我friend转达吓，佢好钟意你写嘅绿萦！！我哋两个都好钟意你嘅创作（虽然我哋两个人完全都冇提到佢相关嘅创作）
卡：好啊好啊！多谢你哋钟意～
me：我哋两个有时晚黑瞓唔着，都会听你嘅失眠药，而且有时有啲系讲得好符合我哋当下遇到嘅事！
卡：希望可以真系帮到你哋，多谢你哋关注
me：后边两本写我个名得啦，辛苦晒你
卡：都系多谢你哋支持
me：张卡片可唔可以有帮手签下？
卡：可以啊（张卡打滑掂都攞唔起身）
me：好开心今日可以见到你！而且仲可以帮我写埋个to签，祝你新书大卖！下次见
卡：多谢支持，拜拜啦，下次见

最后嘅最后，支持李文曦Oscar新书《壽願僧》，祝新书大卖！