#古天乐[超话]# 古天樂再出新歌
迎接8月紅館SHOW
預告坐落觀眾席唱歌 如開party
自認「唔短」毋須「加長(場)」
練舞前做反應訓練熱身
2米高降落舞台無難度

古天樂 今年拾回歌手身份，重錄《天命最高》、出新歌《無時空之戀》、《世紀大騙局》，又出精選碟《天命最高 BACK TO THE PAST》。最讓人震驚是入行30年，在8月底首度舉行兩場四面台 #紅館演唱會《古天樂 MY FIRST SHOW》，在5分鐘內售罄證明有強大叫座力。

今日(29日)古天樂正式為演唱會開記招，海報以自助證件照做出「古仔九式」展現活潑一面，他希望到時開show能與觀眾開開心心互動，不排除坐到觀眾席唱歌：「山頂位都真係想㗎，但怕落嚟會引起混亂，要首先考慮咗現場保安先。」上年重新開放使用的小飛船，古天樂會否考慮，他未有正面回應：「想坐纜車去昂坪360。」為演唱會，他特製一支紅黑私家咪。

演唱會稱為show，他說想有party氣氛，不過為阿媽着想，Party不考慮設dress code玩法：「我阿媽同朋友嚟睇，叫佢着到咁我都唔好意思！」

演唱會隊極度搶手，問到加場日期，古天樂就形容「自己唔短」，無需要「加長（場）。」預告有嘉賓，但名單保密，只謂︰「如果冇就大鑊！」演唱會亦未必會「加時」，他說：「試下挑戰最短演唱會！都係盡能力做，唔知會係長定短，最緊要大家開心。」至於完成香港個唱後，會否考誌巡演，他謂：「凡事唔好一步登天，做好今次先，其他嘢再諗。」

他在記招透露一度諗過開「雙腳唔離地」演唱會，但開騷難免跳舞，無得避之下近日已密密訓練，練歌之餘，亦有做反應訓練：「唔係操肌，只係平時好多肌肉都冇點用，鍛練返啲肌肉再去諗練舞。」期間想講離地2cm，卻講成離地2m，不過拍慣動作片的古天樂仍然自信說：「2m有幾難啫，上面（天花板）跳落嚟都唔止啦！」人生第一個演唱會，古天樂承認由開心到慢慢緊張︰「一定有，始終第一次開，咩都要嘗試咗先知，唔應該以擔心去行動。」

其中一樣新嘗試，是與農夫合唱新歌《天下一家》，中午已經率先派台，記招上播放動畫MV teaser，出現戴蓮帽、咬青草、着牛仔褸的動畫造型古天樂。他指昨晚親自驗貨睇到凌晨3點，自己亦會在新歌中有段rap，令人期待。

cr. 娛壹 http://t.cn/AXoCD2lp