【On.cc】黃宗澤現身廣州 　自認「合格球迷」暢談世界盃

四年一度的世界盃戰況激烈，男神黃宗澤（Bosco）也被吸引現身廣州出席世界盃狂歡活動，當日大批市民圍觀為一睹男神風采，場面熱鬧。活動上Bosco展現招牌笑容，但一邊不停抹汗。笑言因為現場的熱烈程度是「體感大考驗」：「現場真係有啲熱啊！因為呢度係玻璃頂，加上現場真係人山人海，所以溫度直線上升。不過，最熱嘅絕對係現場觀眾嘅熱情！」Bosco現場跟圍觀市民大玩遊戲，令全場氣氛High爆。對此他幽默表示：「個個都知我係『黃三歲』嚟㗎啦！最緊要大家玩得開心、盡興就得！」Bosco 的親民作風，再度瘋狂吸粉，不少網民大讚他是「最強世界盃氣氛組」。

黃宗澤現身廣州。

​談到今屆世界盃，Bosco坦言要當一個「合格球迷」絕對是一大挑戰：「追看球賽對我哋嚟講真係有難度。大多數熱門賽事都在凌晨3、6、9點開波，如果遇到12點或者1點嘅賽事，我就一定會看。但有時遇到非常緊張嘅賽事，即使再累我都會頂住眼瞓、熬夜支持，最近真係夜瞓咗好多。」Bosco透露自己並非盲目追捧傳統強隊，反而帶點「俠義心腸」：「我自己好鍾意美斯，但同朋友睇波就冇話特別齊心鍾意邊一隊。有時我反而有種『鋤強扶弱』嘅心態，希望啲比較弱嘅球隊可以爆冷，咁樣先刺激！」他更特別點名日前一戰成名的非洲球隊佛得角：「好似之前佛得角咁，真係好犀利！個龍門（禾仙夏）一夜之間爆紅，我依家最欣賞就係美斯同埋佢！」今屆世界盃亦是不少傳奇球星的「最後一舞」，Bosco 言語間流露出一絲不捨：「今年美斯係最後一屆，點都要捧場支持。其實有好多位球星都踢咗好多屆，好似剛剛被淘汰的克羅地亞主將摩迪（Luka Modrić），應該都係最後一屆了，所以每場賽事都非常珍貴。」

黃宗澤暢談世界盃。