譚詠麟新歌邀劉德華李克勤填詞 MV深情獻唱讓歌迷見證不朽羈絆

譚詠麟近日為演唱會謝幕曲《我在意》拍攝MV，MV以「深情與陪伴」為主軸，將校長與歌迷橫跨數十年嘅真摯情感濃縮其中。《我在意》邀得與校長交情深厚嘅劉德華同李克勤親自操刀填詞。兩人將對校長深刻了解化作真摯文字，量身打造出呢封情感細膩、扣人心弦嘅情書。

MV開首以細膩嘅溫馨色調呈現。校長先以「觀眾造型」低調掀開經典紅色天鵝絨簾幕入座，全程不露面容，靜靜地走到一張觀眾椅上坐下，凝望著前方空蕩蕩嘅舞台。隨著視角「跳入」台上畫面，前方屏幕瞬間亮起，浮現出新歌歌名《我在意》，輕輕喚醒沉睡嘅歲月。

身穿演唱服裝嘅「歌手 Alan」站喺 LED 屏幕前深情獻唱，背後播放從最早期由《反斗星》到珍貴唱片封面。此時，台下出現唔同年代嘅樂迷，完美還原唔同年代嘅縮影。台下面孔換一批又一批，但每個人眼中嘅熾熱與感動，卻印證嗰份始終如一嘅專屬陪伴。

校長先以「觀眾造型」低調掀開經典紅色天鵝絨簾幕入座，全程不露面容，靜靜地走到一張觀眾椅上坐下。

最觸動人心嘅一幕係開場時，神秘觀眾終於露出面容——原來係「現在的 Alan」。佢一直坐喺台下，以見證者視角，望住台上嗰個為歌迷唱歌嘅「自己」。校長微微一笑，披上閃爍全黑「戰衣」轉身離去。當校長再次掀開紅色簾幕，耀眼嘅強光伴隨演唱會現場歡呼聲，為呢場跨越時空、與樂迷靈魂交心嘅溫暖對話，畫下完美句點。