Shiga生日寶貝女獻吻甜入心 偕陳家樂澳門拍拖享二人世界

連詩雅 29號度過38歲生日，婚後同 陳家樂 組成一家三口溫馨家庭嘅佢，公開攬實囡囡Camila嘅多張合照，Camila又主動向媽媽送上甜蜜香吻，又奶音祝福「Mimi Happy Birthday」，令Shiga甜入心扉，露出有女萬事足嘅幸福笑容。

今年Shiga與老公陳家樂及家人一齊平靜慶祝，不過寵妻狂魔家樂亦安排一場「短暫出走」，同Shiga二人世界拍拖。兩夫妻放低囡囡，享受甜蜜時光。家樂仲同Shiga到澳門參觀「水舞間」，兩人仲獲安排參觀後台，二人世界閃盲眾人。

雖然已為人母，不過一直有唔少網友驚嘆，Shiga嘅身材依然逆天。招牌長腿依舊成為焦點，貼身衣著打扮下亦繼續展現緊緻線條，恨死唔少女士。