⾕婭溦新歌邀《新聞2》男主角自肥 Bosco出演笑言為重返樂壇鋪路

下星期生日嘅 ⾕婭溦 ，今日就會舉行生日音樂會同歌迷共歡，早前佢一直忙於排練演出⾳樂劇《花影夢》，到近日就集中精⼒為全新國語單曲《愛⾃⼰啊》宣傳，新歌MV仲⼤碌⼈情卡，邀請視帝 ⿈宗澤 擔任男主⾓，當中仲有唔少甜蜜鏡頭，絕對係「⾃肥計劃」，⽽Bosco就笑⾔答應出演MV，係為⾃⼰重返樂壇鋪路。

《愛⾃⼰啊》由溦溦親⾃執筆填詞，邀請曾同多位華語樂壇頂尖歌⼿徐佳瑩、⽥馥甄、梁靜茹、五⽉天、周興哲、A-Lin等合作；曾獲台灣「⾦曲獎」、「⾦⾺獎」同「⾦鐘獎」硃榮嘅「三⾦」製作⼈ 陳建騏 操⼑。

溦溦提到MV男主角時，就表示⼀直都非常欣賞Bosco，過去合作時就不時得到對方提點同照顧，⽽且Bosco嘅舊作亦陪伴自己成長，仲笑言：「我睇Bosco啲戲⼤嘅，哈哈哈！」而今次「碌⼈情卡」成功嘅佢又話：「其實我冇諗過Bosco會應承做MV男主⾓。」 Bosco就回應：「吓！原來可以唔應承！？你早講呀嘛。」
溦溦指拍《新聞女王2》不時得Bosco指教，仲冇諗過佢會咁爽快應承

Bosco回想過去同溦溦合作時就話：「其實我哋拍《新聞女王2》嘅時候有合作，當時已經覺得溦溦個⼈好好玩。喺劇入⾯嘅⾓⾊成⽇要蝦佢，所以我覺得今次點都要還返俾佢。」 溦溦就回應話：「係呀，我覺得同佢個⾝⾼差好遠，我哋有最萌⾝⾼差，但佢成⽇攞呢樣野同我開玩笑。」

Bosco上⼀次擔任MV男主⾓，已經係17年前蔡卓妍嘅歌曲《⽣還者》，一向幽默嘅佢笑稱：「今次係為重返樂壇⽽鋪路！」溦溦就搞笑搶答話：「我哋可唔可以對唱《K歌之王》？哈哈哈！」Bosco回應：「你依家係⼀位唱歌導師，我驚我會激死你！」Bosco表示若他日真係重返樂壇，希望溦溦可以擔任自己唱歌老師，⼤家「有來有往」。

MV中兩人有唔少親密互動，雖然溦溦可以「⾃肥」，但就不時出現蝦碌鏡頭：「有⼀幕係Bosco要走，我要拖住佢唔俾佢走，我要衝埋去攬住佢，點知我衝得太犀利，撞咗佢出鏡兩次。」 Bosco就搞笑指：「我覺得有架⼩型賽⾞撞落我到！」 溦溦續說：「你當時明明話我係巴⼠！」