#2026香港小姐# 佳麗訪亞洲最大野荷花景區 坐船探荷塘與花爭妍

《2026香港小姐競選》於湖南嘅拍攝進入第6日，呢日12位候選佳麗再一早整裝出發，今日轉往知名嘅4A級景區賞荷花，6月嘅湖南到處都係美不勝收嘅盛開荷花絕美景致，各位佳麗就分組登上小木船，邊拍攝邊欣賞絕美景色喇。

一向有話「洞庭天下水，岳陽天下荷」，景區係亞洲最大嘅野生荷花景區，加上6月正係盛開時節，有埋港姐佳麗在場就靚上加靚喇。呢日佢哋輕裝換上小短褲，登船直駛荷塘深處，近距離欣賞盛開嘅荷花，而今晚各位佳麗就會換裝出席晚宴。