【娛樂新聞】吳啟華賣肖像權拍AI電影：酬勞唔差，打跛腳都唔驚 貝安琪唔介意被加咀戲
.
吳啟華、游嘉欣、戴祖儀及朱敏瀚等今日（28日）出席新劇《非份之罪》宣傳活動。吳啟華與貝安琪在劇中飾演夫妻，首次合作嘅貝安琪坦言有追吳啟華嘅劇，好開心對方做佢老公，兩人更合唱英文歌。吳啟華話自己出過一隻CD，裏面有收錄呢首英文歌，貝安琪就話事前冇練習，係吳啟華突然提出一齊唱。

吳啟華又自爆最近賣咗肖像權拍AI電影：「佢用我20歲個樣去製作一部電影，我又唔使拍，我睇過都滿意，我又可以重溫一下做男主角嘅滋味。」佢話簽咗合約，唔怕對方攞自己肖像拍其他電影，酬勞方面「幾OK」：「以後坐喺度唔使拍就搞掂，真係打跛腳都唔驚。」被問到親熱戲會唔會自己演，吳啟華笑言要睇對象，如果係貝安琪就可以。貝安琪就話劇中做佢老婆，就算親熱戲都好歡迎，大方回應咀戲安排。 http://t.cn/AXS1YCe2