【娛樂新聞】朱敏瀚與游嘉欣拍咀嘴戲強調冇「伸脷」 被問會否考慮細8歲女仔：唔好搞啦！
.
朱敏瀚（朱仔）與游嘉欣今日（28日）出席《非份之罪》宣傳活動，會上播出兩人在後巷咀嘴嘅片段。朱仔話該劇約3年前拍，現在再看勾起好多回憶。佢指拍親熱戲時係首次同游嘉欣合作，笑指當時自己冇「伸脷」，但角色有需要亦唔會介意。游嘉欣話咀戲係後段拍攝，拍時已同朱仔混熟，所以唔尷尬。佢又話最初覺得朱仔好似好Cool，會擔心，但相處後覺得佢好Nice，會主動傾下場戲點做。

朱仔大爆初認識游嘉欣時，對方話自己8歲時有睇過佢演嘅劇集《點解阿Sir係阿Sir》，令佢覺得「好恐怖！」提到朱仔早前表示已單身一段日子，問游嘉欣係咪鍾意朱仔呢類型，佢話係仰慕，鍾意有雙眼皮嘅人，只要唔係單眼皮都可以考慮。不過游嘉欣話自己哥哥同朱仔同一個生肖，所以唔會考慮，因為唔想將對方當成哥哥。問到朱仔會否考慮年齡細8歲嘅女仔，佢聞言即話：「唔好搞啦！」似乎對年齡差距有顧忌。 http://t.cn/AXS1oRhy