#2026香港小姐# 湘江畔打卡景點取景拍攝 佳麗輕裝打扮騷休閒一面
《2026香港小姐競選》繼續於湖南長沙嘅外景拍攝，佳麗們今日以輕便Polo恤加牛仔褲現身，再次展現佢哋另一面向。繼日前到訪國家地質公園觀賞曝布之後，今日12位佳麗以及3位師姐 馮盈盈 黃嘉雯 同 陳懿德，去到當地市區景點「恰同學少年廣場」取景。講廣東話嘅大家可能會心一笑，做咩要恰同學又恰少年？其實係「恰巧」正值青春、風華正茂嘅意思，啱晒正投入參加港姐競選嘅各位佳麗呀，句出自毛澤東《沁園春．長沙》。
佳麗們於呢個由舊長沙南站改建而成嘅景點拍攝，係當地知名打卡點，可隔江觀賞對岸嘅毛澤東藝術雕像。拍攝之餘亦紛紛以手機Selfie打卡。
发布于 广东