谷婭溦邀痞帥天花板任MV男主角 黃宗澤笑稱為自己重返樂壇鋪路

谷婭溦 新歌MV請嚟重量級男神 黃宗澤Bosco 助陣擔任男主角，兩人喺MV中飾演一對，當中仲有唔少甜蜜互動。

不過做訪問時，溦溦就講咗句令Bosco反晒眼嘅說話，呢句就係：「我睇佢啲戲長大嘅」搞到Bosco都反問佢一句：「這位小姐，會不會聊天呀？」之後溦溦即時補飛，讚Bosco唔只係好多人啲男神，仲係「痞帥天花板」呀！

溦溦指當初自己都係膽粗粗咁發出邀請，冇諗過Bosco會應承，而Bosco就話當初同溦溦合作《新聞女王2》時，覺得對方好好玩，加上自己好耐冇試過拍MV，同時亦係為自己重返樂壇鋪路呀！