▪️奧士文迪比利（Ousmane Dembélé）只係用咗32分鐘就大演帽子戲法，係世界盃歷史上第二快嘅連中三元。

兩隊對於爭取首名出線，態度完全唔一樣，法國好着力，挪威就想俾多啲球員參與，盡量比唔同球員上陣。法國歷來第二次三場分組賽全勝，總數11個入波亦都平咗佢哋喺1958做出嘅分組賽最高入球紀錄。迪奧靴蘭迪斯（Theo Hernandez）狀態睇嚟麻麻哋，今場輸咗球十二碼，烏柏美簡奴（Dayot Upamecano）就幾專注同集中。

挪威起用大量副選，喺三場分組賽之後，佢哋所有場區球員都落過場。24歲零55日嘅中場（Thelo Aasgaard）成為挪威歷來最年青嘅世界盃入球者，佢個人九場國際賽有六個入波；守門員薛域（Egil Selvik） 有幾次出迎封單刀波好快速同準確。

▪️兩支同樣需要獲勝搶分，而且要儘可能賺取多入球嘅球隊對碰，賽前都係挪威同法國嘅手下敗將，演繹出來嘅效果就完全相反。塞內加爾全場有高達23次攻門，3分鐘就打開紀錄令佢哋好踢好多。喺踢多一個之後有段時間球隊嘅發揮反而一般般，直到伊斯美拿沙亞（Ismaila Sarr）再次打破缺口；後備入替嘅柏比古爾耶（Pape Gueye）同埋伊利文尼戴亞耶（Iliman Ndiaye）貢獻嘅三腳重砲都相當靚。大比數領先之後嘅佢哋喺尾聲階段依然有幾個機會可以增添入球數字，不過就未有把握住。

伊拉克喺蘇拿卡（Rebin Sulaka）被逐之後，令原本嘅劣勢被放大，加上球員喺落後之後有唔少處理都令人費解，包括下半場伊基保（Zidane Iqbal）喺禁區頂剔波過人失誤導致第二個失球嘅出現，對球隊來講係致命打擊。另一個問題係佢哋防守被對方牽扯，被對方較從容地喺禁區內「搭炮台」，同樣係佢哋慘敗嘅主因。

塞內加爾贏波之後還未確定能否晉級，目前係喺分組第三裡面攞到三分球隊當中成績最好嘅一隊，暫列第五。

世界盃分組賽賽事賽果-
Group I
塞內加爾🇸🇳5-0🇮🇶伊拉克
挪威🇳🇴1-4🇫🇷法國

*附I組分組積分排名以及射手榜（最新）

#世界杯[超话]##FIFA World Cup 2026# 🇺🇸🇨🇦🇲🇽#世界盃分組賽##法国球迷俱乐部[超话]##挪威球迷俱乐部[超话]##塞内加尔球迷俱乐部[超话]##伊拉克球迷俱乐部[超话]#