✨足本訪問：古天樂為紅館騷快行練氣，預售5分鐘沽清準備加場？笑談唔抗拒齋着底褲影相：都可以嘅！食飯賀老友佘詩曼生日，麻雀枱上切磋？ ｜Viu1現場實況

古天樂今日現身運動品牌活動，透露因為斷過十字韌帶，所以平時會只會快行做運動，又搞笑話唔會夜晚出街，因為怕危險喎！佢仲話有意設計自家製波鞋，想行科幻路線添！眾所皆知古生有儲開Figure嘅習慣，唔知佢又有冇儲波鞋？當笑問除咗服裝品牌搵佢宣傳，如果有內衣品牌搵上門，古生又會唔會接先？

紅館騷舉行在即，預售飛今日一開賣5分鐘就賣晒，古Daddy話冇諗過咁快賣晒，所以都好開心，依家要練定氣，預告到時係以唱歌為主！但一追問到咁好成績，會唔會加場？宣萱為咗去佢個騷堅改機票？古Daddy就全部落閘，話要留返下星期一演唱會記者會再講啦！

見早前古生為老友佘詩曼食飯慶生，有冇同阿佘喺麻雀枱上切磋吓？另外，講到主持Lillian施可瑩日前因病離世，病前接嘅工作包括為電影《尋秦記》謝票場主持，古生表示當初一收到佢病患消息，就即透過演藝人協會睇吓有咩可以協助，但隨即就收到噩耗，覺得好可惜。

CR：viu1hk （侵删） http://t.cn/AXSONcI8