【娱乐新闻】容祖兒興奮明年有望香港開騷 孖張衛健出席動畫首映禮
.
容祖兒 張衛健 日前現身主題樂園，出席由佢哋配音嘅經典動畫續集首映禮，氣氛相當熱鬧！Joey早前喺粉絲聚會上透露有望明年喺香港開騷嘅好消息，呢日講起呢件事，Joey就話要感謝Dicky向佢推介舞台設計嘅公司。不過喺Joey同大家分享，自己開第二個紅館演唱會時曾邀請Dicky做嘉賓時，Dicky睇落好似就唔記得呢件事，更即場俾足反應，將「回憶」講到似層層，令全場爆笑。

Joey早前連搞兩日生日宴慶祝46歲生日，出席賓客唔少得 蔡卓妍 關智斌 呢班好朋友。Joey就話，阿Sa有帶老公現身，仲嚟足兩日，但原來有一日係阿Sa為嫲嫲慶祝100歲生日，兩邊生日飯都喺同一間酒樓，所以阿Sa可以一日內出席兩餐飯。

同場仲有吳業坤、賴慰玲、洪天明一家、張明偉同未婚妻許倚榕等。Winki啱啱完成劇集《警是個大佬》嘅拍攝，但緊接其後嘅就係小朋友暑假。作為廿四孝媽媽嘅Winki亦為小朋友炮製一個充實假期，投其所好為小朋友報名一連串水上活動，務求令囝囝可以玩得開心。

張明偉同許倚榕拍住拖睇首映非常Sweet，二人分享婚期目前計劃喺明年年底，許倚榕笑言最煩惱係定婚禮主題，佢哋更幽默表現婚紗相或者可以反串嚟影添！ http://t.cn/AXSKZY3K