【娛樂新聞】何晉樂新歌發布獲驚喜慶生 將與樊亦敏延續劇中母子情
.
何晉樂（Rock）日前為新歌《My Only》舉行新歌發布會，相隔兩年再出歌，阿Rock同大家分享創作理念，覺得每個人心中都會有某啲人事物好似「唯一」一樣重要，今次想企喺歌迷角度去睇，大家平時點樣睇自己，同時希望大家知道佢哋對自己都好重要。阿Rock話，呢首歌嘅歌詞係諗住歌迷寫，係可以連結彼此間嘅經歷同關係。

發布會現場星光熠熠，監製Johnny Yim以及聲夢一班戰友鍾柔美、潘靜文、蔡愷穎、張馳豪、林智樂，仲有擔任MV女主角嘅姚焯菲都有現身支持。Chantel除咗向阿Rock送上Q版公仔，兩人仲即場重演MV中一段舞步。除咗聲夢兄弟姊妹，樂易玲以及處境劇《愛．回家之開心速遞》嘅樊亦敏、陳浚霆、湯盈盈亦驚喜現身，同阿Rock預祝30歲生日。阿Rock話，活動前一日收到戲中媽咪樊亦敏嘅訊息表示有事要缺席，令佢有啲失落，所以見到Amy出現好開心。

雖然《開心速遞》快將完結，但阿Rock就話計劃開一個網上短片平台同Amy姐延續母子情，等完成新歌宣傳期後就會推出，希望大家可以睇到佢哋唔同嘅才華。呢份「母子」情誼由劇集延伸至新平台，相信粉絲們都好期待。
#TVB[超话]# http://t.cn/AXS65Mdm