【娛樂新聞】馮熙燮柯雨霏胡子貝合體開音樂分享會 盼盡快推新作回饋粉絲
.
馮熙燮（Ryan）、柯雨霏、胡子貝三位《聲夢》唱將，呢日合體現身一個音樂分享會，吸引大批粉絲到場支持。三位各自送上靚歌，答謝大家嘅熱情捧場，現場氣氛相當高漲。

佢哋三位雖然出道短短時間，但早前已經有幸獲邀擔任胡楓（修哥）紅館演唱會嘅嘉賓之一，能夠同咁多位前輩同場演出，佢哋都覺得好榮幸，直言係一次非常寶貴嘅經驗。

而嚟緊Ryan將會舉行粉絲見面日，除咗想同fans近距離聚會之外，佢亦好希望好快為大家帶嚟新作品，比大家睇到自己更多唔同嘅面向。Ryan話會繼續努力，希望唔會令支持佢嘅人失望。至於柯雨霏同胡子貝都透露正積極籌備新歌，預計下半年會陸續推出，粉絲們要密切留意喇！
#TVB[超话]# http://t.cn/AXSVjq2a