未睇電影之前，我都仲諗緊戲名叫《一個部門的誕生》究竟係唔係只係單純call back返銀河開山之作《一個字頭的誕生》，點知原來係導演有意呼應返戲中戲，呢個都可算係彩蛋之一。然後更加無諗到劇情咁CLS，一個最初單純為咗cut台嘅「癲佬」卻因為連鎖反應演變成一單大龍鳳，令我諗起另一套港產片《老笠》，同樣都係發生喺一個主場景嘅故事，同樣地反映出個世界有幾L荒謬，明明有好多事都可以好簡單地就可以解決，但偏偏大部分人都只會卡喺楊偉倫所飾演嘅熱線主管嗰關，又有幾多人可以去到攞到cut台確認最後一關，無論打幾多次電話，都只會落入無限循環依舊無人解決問題，到最後逐漸磨蝕完耐性被迫放棄cut台繼續妥協硬食，呢個正係現實生活嘅寫照，問題天天都多，但解決到問題嘅又有幾多個，正如戲入面所講嘅“點解cut個台都咁難，點解做一啲咁小嘅事都咁難，點解做人咁難”但就算世界艱難，我哋都要照行，因為我仍然相信只要揸緊宗旨，最後會係我企咗喺度