TVB電視劇，暫名《警是個大佬》，
終於，全劇殺青嘞！

唔知有冇人同我一樣，細細個嗰陣睇電視劇，
有時都會幻想如果有一日做男主角，會係點嘅呢？
個角色又係點㗎呢？有咩對手呢？套劇講咩㗎呢？

到出嚟社會工作，命運際遇安排下我成為咗一個主持，
然後慢慢努力，一步一步向前行，希望自己進步。

幸運地過去呢十幾二十年，間中有機會擔任演員身份，
喺唔同嘅電影、電視、網絡上等等嘅作品入面演出吓。

今次，有機會做到呢個電視劇嘅男主角之一，
確實係受寵若驚，唔知道自己有冇呢個身位，
更加唔知道有冇呢個能力，因為喺呢套劇入面，
有未來視帝羅子溢，有未來視后王敏奕，
仲有好多演技好出色嘅演員參與，個個都好專業。

唯有將勤補拙，俾心機熟讀劇本，俾心機研究角色，
每一場戲都諗吓點樣令到自己同埋對手都做得更好，
為嘅就係希望出街嘅時候，每一位觀眾都會鍾意。

呢套劇，終於拍完，再次感謝珍姐同埋監製阿Lam，
咁多位編劇、導演、PA、台前幕後所有工作人員，
無論最後收視同口碑如何，都會係大家努力嘅成果。

唔知道幾時會出街，只係希望真係播放嘅時候，
咁多位電視觀眾同埋網友們，會喜歡呢個劇集。

#警是個大佬