#小葵之家#
呢幾日每日都有唔同的晚霞，我就唸。
點解美麗的現象總係短暫？
比如愛情的熱戀期，日落晚霞都係15分鐘內的事，但狂風暴雨陰天霧霾往往持續長久，潮濕悶熱的天占了全年4分3時間，有無科學解釋到點解美好都如此短暫？
我去查了資料搵科學解釋，
提及到低熵同高熵的現象。

我概括落來就係一切元素，物質，時間，天時地利人和都要剛剛好相遇，先湊成難得一遇的美好。

美好需要精確條件：夕陽的絢爛，需要大氣中剛好有不多不少的雲層、灰塵同水汽來折射陽光。
而愛情的熱戀係多巴胺、血清素等精密的神經化學反應。需要付出能量來維持。
陰天、霧霾或鬧交冷戰，係系統能量耗散後的自然回歸。
夕陽的美在於光線角度的極端精確，而地球會一直轉動，角度一變，好快消失。

而尋常的灰霾天，平凡的感情，係hea住就有的常態，唔需要用力維持。
「歡娛嫌夜短，寂寞恨更長」

美好就好似一場完美的順風順水party
需要燈光剛剛好、音響冇壞、所有好朋友剛好在場，有好飲的橄欖龍井，有琳琳做的蛋糕。有龍蝦煎麵底。有我，有陳偉霆攬住我，有張天賦為我唱情歌。
而呢一切要同時發生，概率極低，所以party的高潮往往只有幾分鐘。

而尋常日子的不堪就好似派對結束後的現場，
一片狼藉，食物，酒杯亂七八糟，甚至有人醉酒，橫七豎八攤係沙發。
呢種唔需要任何條件，自然而然就會發生，而且清理起身要好長時間。

所以，美好之所以短暫，因為佢需要萬事俱備；而混亂之所以漫長，係因為佢不需要任何東風。

晚霞組成要素要好多元素聚精會神同時出現，
而愛情需要兩個人係超70億人之中相遇，有機會開始談話，又發現契合，有浪漫的場景營造氣氛，培養感情，又有時間精力多次約會，心情狀態佳，發現過電，再而竟然剛好你又鍾意我，我又鍾意你，所以呢一切都如此難得一遇

大腦為左節能，只會標記新奇且有利的野。
狂風暴雨必須漫長係為左等人長記性，唔好危險的時候出去送s。
痛苦持續越久，你記教訓就越牢，係生存機制的設定。

平常的日子甚至暴風雨，就係hea住就會有，
又因為正常情況下，hea 就會窮，所以窮係常態。富要擼起袖子天時地利人和集合的結果
所以Joey首『舊日回憶的山丘』有句：就算山丘不再美好，在記憶中，它美好過。