我歌故我樂

樂人快語：胡楓上星期日舉行「修哥九五至尊無限楓騷演唱會」，六度踏上紅館舞台並成功創造了世界紀錄。演唱會門票早已全部售罄，由下午3時半開始，唱至晚上8時15分，唱了足足45首金曲。
在其中一部分，張家輝拖着契爺修哥合唱《分分鐘需要你》，期間頑皮問：「一陣間你可唔可以喺咁多觀眾面前表白你同羅蘭姐收得好耐嗰段感情？」唱畢後再說：「早前見到流出咗啲秘密相！」修哥淡定回應：「依家有AI，呢啲算係好畀面你。」
然後輪到另一契仔張學友登場獻唱《不老的傳說》，他亦以契爺的緋聞開玩笑，由於羅蘭昔日在《歡樂今宵》扮演「701服務公司」的接線生解決疑難，學友說：「有一輪咪傳修哥同羅蘭姐好行吓，我打親畀修哥都問：『701服務公司有咩可以幫到你？』」又問家輝：「我都接受，你O唔OK？」家輝即答：「OK！」修哥聞言出言教訓：「人講嗰樣你答嗰樣。」
三人你一言我一語，令全場爆笑，最後齊齊合唱《還是覺得你最好》，學友大讚修哥如此高齡仍能在紅館開騷，使他非常佩服及欣賞。