《12 》新西兰游…..（粤语）库克山，雪山同惯蛋
今日离开住了几天的小木屋，讲真，还有点唔舍得。不过下一站库克山，果然没让人失望！
开车1.5小时，终于见到新西兰最高峰，呢座“云之穿刺者”，海拔3724米，胡克冰川仲有200万年历史，真系震撼。
一路大雾锁路，开得慢啲，反而慢慢欣赏到沿途风景。中午到雪山下酒店，登记处望出去，雪山就近在眼前，呢种感觉，真系正！
入住后即刻去“试下水”，由山脚停车场行1.2公里到堰塞湖，浅行即止，留足力气听日冲冰川！
今日最正嘅，一定系晚餐！玻璃房入边睇住夕阳下嘅雪山，食住自助餐，价钱同广州五星酒店差唔多，体验却直接翻倍，太舒服了。
饭后同老张组队，同太太同佢闺蜜斗惯蛋。讲起身，上一次打都系两年前青商会活动，被后生老板拉住玩咗一小时，规则都未搞掂。今日居然2:2打平，唔讲笑，我应该拿个最快进步奖！