張家輝紅館後台爆笑片流出 狂摸張學友：實實淨淨

更新時間：23:24 2026-06-08 HKT 星島頭條

圈中人緣極佳的「修哥」胡楓昨晚（7日）於紅館舉行的《修哥無限楓騷演唱會2024》圓滿落幕，台前星光熠熠，後台一樣精彩！金牌經理人鍾珍今日（8日）於IG分享了一段超珍貴的後台影片，可見胡楓契仔、影帝張家輝與歌神張學友、陳奕迅（Eason）及天王劉德華的互動，由於要上台唱歌，張家輝難免有些緊張，更獲多位圈中好友為他打氣，場面搞笑又溫馨。

張家輝「化骨龍上身」與張學友互動
影片以「POV: 當你present前少少緊張 同事過哂嚟鼓勵你」為題，一開場就見到張家輝似乎有啲緊張，「阿哥」歌神張學友即刻上前捉住佢雙手，好似過電咁款，笑住話：「點呀你，好似好緊張咁！」張學友更爆笑稱：「因為知劉德華嚟咗，好緊張？」張家輝遇到熟人即時露出笑容，見到張學友身形fit爆，忍不住出手摸他身體，更十足「化骨龍上身」搞笑說：「你而家好似實實淨淨咁！」張學友說：「我有做Gym（健身）㗎，一個禮拜做一次！」場面相當爆笑。