chillgoodhk

修哥挑戰健力士紀錄
張家輝唔願走體貼傍實

人稱修哥的胡楓，昨晚(7日)在紅館舉行《 修哥九五至尊無限楓騷演唱會 》，由下午3時半開show，唱了接近5句鐘，到8點15分才完場，修哥還以94歲140日之齡成功挑戰「健力士世界記錄」，成為「舉辦演唱會最年長的華語藝人」，並即場頒發證書。

修哥開show群星拱照，請來張學友、張家輝、陳奕迅、劉德華、汪明荃、莫文蔚、草蜢、張衛健、許志安、蘇永康、梁漢文、楊千嬅、周柏豪和羅嘉良等獻唱，星光熠熠，這個陣容實屬難得！

張家輝在後台與陳奕迅相遇，未知家輝是否表示會緊張，Eason搭實他膊頭給予鼓勵，激動表示家輝是出過唱片的專業歌手，狀甚搞笑，家輝在台上以港普唱出《你是如此難以忘記》、《忘情水》和拖實修哥合唱《分分鐘需要你》，演唱會歷時五句鐘，修哥略見疲態，家輝一直在台上傍實，又頻頻扶穩，非常體貼。

之後張學友登場，唱畢《不老的傳說》後，他表示修哥95歲仍在紅館開show，令他十分激動和非常佩服，又請大家為張家輝鼓掌，家輝不明所以，修哥鬼馬謂：「係呀！因為你唱完都未走呀，佢唔捨得走呀！」家輝即以化骨龍的語調：「唏是但啦！」學友補充：「我覺得你好勇敢嘅，夠膽咁樣唱《忘情水》呀！你知唔知呢個世界有幾多華仔嘅fans…」 家輝指學友還有歌要唱，學友口快快話「唔係」，修哥精靈反問：「咩唔係呀，咁你上嚟做乜嘢？」引得全場爆笑，家輝指他串嘴，修哥繼續駁嘴：「我串嘴？我問嘢啫嘛！」搞到學友哭笑不得謂：「你可以問得溫柔啲嘅！」修哥即時「受教」嗌聲學友哥。 http://t.cn/AXXn3Rps