01娛樂

94歲的胡楓 今日（7日）下午3時半在紅館舉行演唱會《 修哥九五至尊無限楓騷演唱會 》，唱了接近5個鐘，8點15分才完場！整個演出眾星拱照，不少得的當然有他兩個契仔張學友 、 張家輝 ，二人更攞修哥與羅蘭姐的緋聞開玩笑，家輝頑皮地說：「今日阿Lady又喺度，早陣子我見你哋流出咗啲秘密相，你哋兩個打車輪喎！」修哥淡定地說：「哈，你知唔知道而家有AI？呢啲算係好畀面你喇。」家輝笑言：「唔係喎，見你條脷伸咗過去喎！」
輪到張學友上台獻唱《不老的傳說》，「兩父子」不停互窒，學友爆出一句「701服務公司」，其實這源於羅蘭姐當年在《歡樂今宵》中扮演「701服務公司」小姐解決疑難，修哥再表示：「701服務公司喺嗰度呀。」鏡頭影住羅蘭姐，學友說：「有一輪咪傳得修哥同羅蘭姐好行吓嘅……（張家輝：係呀！伸咗條脷去人哋度呀！）我打親畀修哥嘅時候我都話：『701服務公司，有咩可以幫到你呀？』」此時修哥叫他有話快說，學友回應：「即係你熟過我囉，算喇，唔緊要喇，我都接受佢！我OK！」他問張家輝是否OK羅蘭姐，家輝和應：「我OK啦！」被修哥指他人云亦云，學友再笑言：「我話晒佢阿哥嚟㗎嘛，尊卑有別。」 http://t.cn/AXXEQZ7K