多謝Hebe邀請我帶他遊走我以前成長的地方西環堅尼地城，再次讓我回味同嫲嫲爸媽妹妹一起住喺西環嘅美好時光！

雖然舊居已經變咗做公園，但好佩服 Hebe 搵到咁多珍貴舊相，清楚見返我舊居個樣，仲發現連周星馳嘅《孖仔孖心肝》原來都喺嗰度取景！最驚喜係喺留言區撞返好多舊街坊同同學，好多回憶返晒嚟。
同時亦多謝 Hebe 專登嚟探訪我紮根咗廿年嘅工廈音樂基地，真實紀錄咗我喺音樂路上嘅經歷同轉變，百感交集。想懷緬從前嘅西環，記得上 Hebe 嘅 YouTube Channel 睇足本版，堅尼地城嘅舊街坊一齊留言傾下偈啦！

「明白到光陰不可變改，要和新節奏比賽」。我哋經歷緊唔同時代嘅香港，但香港人勝在「經得起變化」。只要發揮我哋香港人精神，逆境中保持正面，一定可以勇往直前。未來我會繼續做多啲好音樂畀香港，用音樂陪伴大家一齊堅強行落去！💪🏼

#西環回憶 #加多近街 #堅尼地城 #香港故事 #孖仔孖心肝