盖鸣晖为粤剧大胆献计 搵机械人做龙虎武师：系卖点

粤剧名伶盖鸣晖将于6月11日及12日，与李居明大师合作演出经典剧目《蝶海情僧》，她今天（29日）到新城广播接受访问时，除了分享剧中的教育意义与正能量，更大胆构思将来有朝一日能与机械人同台演戏，甚至一起跳拉丁舞。

谈及《蝶海情僧》，盖鸣晖表示这部戏蕴含深厚感情与教育意义。故事讲述一位太子经历战火洗礼，一夜之间失去所有名誉、地位与王朝，被迫出家保命。她寄语：「希望大家唔好太执着，要放下每一样嘢，只要你仲在生一日，一定有机会再重振你嘅声威，所以千祈唔好放弃自己。」

盖鸣晖透露近日与友人前往大湾区游览及品尝美食，令她感受到祖国的发展一日千里， 她更直言：「真系好震撼，我哋祖国原来咁蓬勃、咁先进，好多智能科技同高楼大厦，已经唔同以前嘅中国，我觉得好多嘢要学习。」

谈到如何将智能科技融入粤剧？盖鸣晖表现得相当兴奋，她说：「如果智能嘅功能，可以有机会摆喺我哋粤剧舞台上，真系一流，呢个系我哋未来嘅构思。」她更提出：「或者请机械人做龙虎武师都唔错，因为佢哋嘅武术，打觔斗一定唔会受伤，不过呢啲系后话，我哋系几创新嘅，如果能够搞到呢个元素都系一个卖点。」

被问到是否想过与机械人一起演戏？她坦言：「我真系好想同机械人跳拉丁舞，因为我曾经学过拉丁舞。但就未同过机械人跳舞同做戏，我唔敢太大胆，只系一个将来嘅构思，或者得都唔定，将唔可能嘅事变成可能。」

图片：新城广播

#盖鸣晖##蝶海情僧#