#毛舜筠[超话]#

轉載自方健儀Akina Fong FB

【女人方言：毛舜筠】

訪問Mo姐毛舜筠當天，我仍未具體掌握她的新舞台劇《大死撐日》任何細節，但又不想空泛地閑話家常，心血來潮，不如呼應新搞作，用一個「撐」字貫穿訪問。

很多人提起撐，會覺得很負面，例如「盲撐」等垂死掙扎，但撐也可很正面，「互撐」就有互相支持的意思，以下就讓我們深度認識Mo姐各種「撐」的面向。

工作上的「撐」：

Mo姐謂，演戲要捱更抵夜很辛苦，幸而自己喜歡演戲，否則撐不下去。現在的Mo姐可選擇喜歡的劇本與團隊，即使要撐，都撐得很開心，但曾幾何時，她經歷過一段難撐的時期。

「拍攝電視劇的時候，特別是 sitcom (處境劇），想放棄好多次。有時劇本遲，你覺得劇本唔好，有時唔通，因為電視台唔係一個人寫，係一個team，有時寫寫吓甩咗，你要說服佢時，佢哋冇人得閒理呢啲嘢，但又唔想你改，咁你點呢？你要強姦自己，夾硬去做咗佢，我覺得呢個係最痛苦嘅。嗰套電視劇之後，我就同自己講，我唔會再做電視。」

Mo姐出名做事絕對認真，沉浸式準備每一個劇本，有時難以自拔，此時要想方設法撐起自己，回到現實世界。

「我要將整個劇本錄音，我自己講出來，沖涼時亦可以聽。到我埋位時，冇人見過我攞劇本，因為我已經係嗰個人。但原來我進入之後，出來更加難。我記得我拍完《過時·過節》，我跳唔返出來，一醒來就想喊，於是我就改變髮型，我一睇到自己個樣唔同咗，就好似好一啲。」

生活上的「撐」：

有時同一個撐，都有正反兩面，視乎當事人心態。Mo姐隨手就可引用兩個貼身的例子，運動是其中之一。

「我由細到大都有運動，某程度上有死撐嘅成分，但我做運動好主要嘅原因，係我真想享受生活，我亦唔想俾我兩個囡多負擔，要有一個強壯的身體，呢個撐係好嘅撐 。」

另一個例子我最有共鳴，就是友情撐。一些朋友互撐很窩心，但有些卻成為負擔。

「有啲朋友你唔想見，但佢又會經常約你食飯，呢啲就真係捱。真係要同自己講，我唔可以再死撐，因為你時間唔係好多，你冇發覺時間唔夠用嗎？反而呢啲你可能要放手，去選擇一啲適合你，令到你真係快樂嘅人。」

仲有來自老公、女兒的「撐」，請…..

足本收睇女人方言毛舜筠： 喺我story 中

《女人方言》人物專訪，逢周五刊於 topick_hket 專欄