可能好多人都唔知，我細個讀書，都唔差嘅，
我中一至中五讀嗰間學校，叫做「英皇書院」。

今次《英皇書院百周年校慶聯歡聚餐》，
好榮幸可以擔任呢個大型慶祝晚宴嘅司儀，
見到好多以前一齊讀書嘅同學、師兄、師弟，
而最開心就係可以見返好多以前教過我嘅老師，
部份已經退咗休，亦都有部份仍然繼續教緊書，
衷心希望你哋身體健康，生活美滿，開開心心。

喺度祝願我呢間母校，繼續培育多啲社會未來嘅棟樑，
將我哋英皇仔嘅精神，發揚光大，Glory to our school！