我終於畢業啦！🎉

《中年好聲音4》呢個舞台真係好神奇，有種魔力——令你好緊張，心跳加速，同時又令你好期待、好興奮。

真係好感謝呢個舞台，俾我將另一面帶俾大家。由蒙面嘅「白眉鷹王」，到叫唔出名嘅「嗰位演員」，再到「唱歌都還可以嘅莫家淦」。每一次節目出街，都好感謝各位觀眾對我嘅支持，同每一句鼓勵說話。

《中年好聲音4》除咗令大家對我認識更深，亦不斷推動我自己進步、學習。感謝途中幫過我嘅每一位：「最佳損友」嘅隊友、「紫隊」嘅隊友、「當紅炸子隊」嘅隊友，仲有銀老師、評審們、Donald老師、樂隊們，以及幕後每一位同事。特別多謝每場都嚟支持我嘅母親大人，同喺屋企幫我裝香嘅父親大人，仲有外母、老婆同兩個仔。

今日，我喺16強畢業了。但我相信呢個並唔係終結，我會繼續努力，迎接新嘅一頁，迎接未來每一個挑戰！

大家好，我係《中年好聲音4》16強嘅——白眉鷹王，莫家淦！💪🦅🦅🦅

咁靚嘅相 要多謝 @leonardchf