#救救小狗大作戰#
做呢一切記錄，係要你以後變得漂漂亮亮的時候
知道從前的你受盡了一路的苦走過來的！
琴日将任達華帶翻大葵度，我先可以去救劉亦菲於水火之中。
因為我怕佢地會交叉感染。
中午帶住飯去搵劉亦菲，見唔到佢，內心一直不安。
晚上匆忙吃完飯就又開一個半鐘車程翻去樹底搵劉亦菲。
對了，我幫佢改名劉亦菲，係希望佢可以從飽受煎熬苦難的小女孩，
待我將佢養翻好之後，未來有溫暖的主人可以將佢養成劉亦菲咁的富家千金。
或者，我其實係將自己對自己命運的期望放左係佢身上了。
今日中午帶住飯出去搵佢，
佢出來三下五除二就吃完一盒飯，想必非常餓了。
吃完佢馬上返回樹底。
我感覺到佢明顯虛弱了好多，
本來我收到手機短信話呢2日有特大暴雨，
但我唸係上天庇佑，我呢度似乎係毛毛細雨，而據說中山廣州都好大雨。
我內心一直祈求上天唔好落雨住，因為我未能成功營救劉亦菲。
我用肉乾一直誘惑劉亦菲，佢出來吃了，又馬上走翻樹底保護自己。
感覺佢呢幾日係又被傷害過，對人的戒心重了好多。
我無計可施之際，就發了信息比個鄰居。
佢馬上秒回我並且火速趕到現場。
佢係一個1.85左右高的男孩子，儘管如此，卻好有耐性去引導劉亦菲。
先用肉乾比佢慢慢吃去建立信任，然後佢就輕輕用繩套上去。
但劉亦菲掙扎，完全唔肯跟我地走。佢仲發出嗡嗡叫，
叫到我心都寒，我就開始喊了。
鄰居話佢翻屋企帶佢隻狗狗出來，等大家有溝通工具。
佢交條繩比我的時候，再三叮囑：你先拿著，你一定要勇敢，你一定要勇敢啊!你等我回來。
佢重複了好多次叫我一定要勇敢。
我當時已經淚流不止。
佢話如果我唔勇敢的話，救唔到佢。佢就會S。所以我地必須要有信念。
我捉住繩，劉亦菲佢躺係地上一直苦苦支撐的樣子，我感覺佢好似就來斷氣咁。
我就過去鬆開一下繩，然後一直安撫佢。
佢虛弱到卷成一團了。
我d鼻涕眼淚係咁流，不斷同佢講，我地唔係害你，你要乖乖跟我地走，
我地先有機會好翻的。
鄰居真係好快咁，帶埋張墊出來。
一步步小心翼翼咁抱起劉亦菲上我車。
成個過程用了40分鐘以上。佢叫我要一路順利。
然後我就啟程出發了。
去到醫院，聽醫生講了一輪，劉亦菲感染的係馬拉色菌。
我查了資料，其實每隻狗狗同人都會有，但自身免疫力低下的話，就會觸發。
無法去抵禦。
醫生話手尾好長，叫我慎重考慮。
我已經走到呢步，根本無退路，都無打算放棄。
我唔救佢，邊個救佢？我仲可以點？佢都係戶外掙扎生存咁多日了。
唔通我好人好者卻低頭棄權？
劉亦菲其實係隻幼犬，係小寶寶。佢好乖，全程無用牙去E人。
回程的時候，我發信息叫琳琳請我吃件蛋糕。
間醫院就係琳琳蛋糕店8分鐘車程。
劉亦菲一直趴係我大比，好似以前小葵病的時候咁。
望住佢一身跳蚤穿梭往返⋯⋯
我都只能拼了⋯⋯
佢真係一隻好溫柔的女孩子。
受盡世間險惡。都對人無惡意。依然相信人類。
因為佢趴住係我度，我根本唔敢落車驚動佢。
所以琳琳挪住海鹽玫瑰卷過來車度比我。
又挪了杯洛神花茶。
我全日未吃過，都未飲過水。
望住窗外嫩綠色的樹葉隨風搖曳，從醫院出來之際，太陽同藍天一併出現了。
我本來流住眼淚吃蛋糕，又鹹又甜。
琳琳鼓勵我會變好的，唔好喊，佢總係笑得好溫暖。
吃完2件蛋糕之後，佢問我，心情有無好翻d。
我無回答，但內心感覺有了點力量了。
其實我仲唸了好多好多。
吃完之後又驅車返程。
已經喊到成車都係紙巾，好多事情夾雜而成的眼淚。
呢幾日隻眼好似人地割完雙眼皮的咁了。
但當劉亦菲趴係我大比上，我就唸，此刻我只能成為一個戴住披風的超人。
但底褲唔可以著外面。
只有我可以為佢迎難而上遮風擋雨。
佢受咁的苦難都努力頑強，我又點可以氣餒。
係高速上，聽住林家謙，感覺心情先可以舒緩一點。
呈現的雲彩，好似半年前我係同一條路見過的咁。
唸起鄰居再三吩咐的“你一定要勇敢”
我就每次唸起眼淚都奪眶而出。
從來無人叫我勇敢。我覺得從小，我就比9.9成女仔都勇敢的了。
幼兒園我就自己一個人係屋企，天黑都唔驚。
一路以來自己經歷，克服好多事。
我都希望自己可以做一個係漆黑之路會尖叫的人。可惜，我行係無任何燈火的黑夜中，都心無恐懼。
但當面對小動物的時候，係我最難以勇敢的事。
以往我只會快速掠過小動物慘的畫面。
而今次，係我最大勇氣去面對的一次。
我唔可以眼白白望住佢受苦。
上天派我出現，就係要幫佢逆轉天命。
件衫袖係眼淚鼻涕加血跡斑斑。
翻到屋企，同劉亦菲沖涼，
又大戰了88888回合。佢就係好怕水，
d藥浴根本未洗乾淨。但我真係搞唔掂，
我頭髮到身都滴曬水，佢一直掙扎。
我乾脆抱起佢，同佢一起淋。
佢從我膊頭跳了2次落地，撻生魚咁撻。太心痛了。
儘管如此，佢都無E起棚牙對我，佢只係自己逃脫。佢真係好溫柔。
佢一直震一直震，墻上，地上，都係佢流膿出來的血。
我時而等佢冷靜，時而同佢講無事的，無事的，好快沖好。
只要一聽到開花灑的聲，佢又掙扎。
最後逃脫到出廳。周圍搵地方捐。想試圖有掩護。
最後踡縮係角落。
我就用濕布一直來回去洗，去抹佢身。試圖抹乾淨佢身上的藥。
然後再逐點幫佢塗藥膏。
等佢好好休息，
我就開始用滴露拖地。浸衫。
各種大清潔。
今日，就靠2件蛋糕了。
甜品，真的可以令人感到一絲安慰。
未來的日子，我地都要加油。
只能加油了。
唔係我可以點。
無信念可以撐了。
