此刻一直循環小s的『小時候』
旋律同歌詞每次聽都覺得係好遺憾的感覺。
感覺歌同食物，風景一樣。
要有差唔多性格思想的人去分享，先將首歌變得更有意義。
我發現自己同翻感情細膩的人先可以更好一直交流。
我好欣賞，都好羨慕積極樂天的人。
佢哋可以另我快樂。
但畢竟，佢哋無法感同身受我地的sensitive
我就唸，人越大，好似更在意對方是否「明白」自己。「感受」到同樣的感受。
今日帶大葵去牙醫診所，
我就係前台等佢，同兩個姑娘閒聊，佢哋講開過年翻屋企相親的事。
其中有個話好難搵到同頻的人了，見左5個都唔鍾意，佢翻去一晚，第二日就頂唔順要走，中途又被屋企人截停左。
好多男仔見佢平時發去旅遊，西藏川西之類的，d男仔就會話自己無咁的時間金錢。就係覺得咁的女仔好難養。
我話你唔使因此懷疑自己，係d男仔自知自己未有咁的能力同追求。
佢話所以好難搵到同頻的人。
我話，呢個年代，個個都顧住自己刷手機，好多人出去吃飯，好似搭台咁，各自玩手機，都無交流嘅，而且網絡風氣傳播就係「搞錢」，追求利益，睇對方條件等等去衡量，唔同我地以前讀書個時，尤其小時候，大家睇書，寫網誌，係真系會記錄每日的生活，然後一起聽同時期的歌，歌就可以承載果個時期的回憶，手機唔發達，短信300條都只留比重要的人。
微信唔使錢，任發，發比任何人都可以。
甚至會寄信，有筆友。
張天賦都有首「筆友」
以前呢，大家唔刷手機，一齊參與好多話題，活動。
你睇呢家，條路烏煙瘴氣，點浪漫，所以韓劇就唔可以係廣州取景了。廣州只能拍外來媳婦本地狼。
最重要的，我始終覺得，呢家的人無文化去承載回憶的。
近15年，幾乎都無咩好歌。以前我地個時青春時期，係華語曲最鼎盛的時期，真係d歌寫曬每時每刻的心聲咁，可以憑歌寄意。以前我地又鍾意睇書睇電視，討論劇情都有排講。
有段時間播「少年楊家將」
我地落課就2組人一起傾劇情。
我個戀愛腦就係我隔離位成日帶d可歌可泣小說翻學校，我就挪來睇，培養而成[笑cry][笑cry][笑cry]

呢家大家刷短視頻，邊有話題可以太深入。
佢話，係啊，呢家d人聽歌都係從短視頻刷到碎片式咁聽。

所以啊～
能夠有一樣情懷的小夥伴真的會很珍貴。
大葵話隻流浪狗身上皮膚問題咁嚴重，你仲帶佢翻屋企？佢講到呢句的時候我準備鬧人了。
點知佢下一句係：更係帶佢去醫院先啦！你邊識處理！！咁嚴重！
我話醫院好貴嘎！無底洞！
我放低任達華比大葵，急住翻去搵隻流浪小狗，走個時，大葵話：帶佢去醫院啦，最多我轉d錢比你。
問題大葵補牙都唔捨得，佢竟然捨得話比錢我救狗。
我早兩日先唸，如果比大葵遇到咁慘的小狗，佢最多當新聞咁講我知，佢唔會好似我咁難過難受絕望並且日喊夜喊。我都羨慕呢種麻木的人。
點知原來佢進化了。
不過我都無要佢的錢，我搵了全屋唔同尺寸的狗繩，紙尿片，挪埋個大盆，好似去學農咁
我準備救狗行動大作戰

帶左任達華翻大葵度，我先可以去帶小狗狗翻屋企治療，但夜晚11點搵到佢，無任達華引佢，佢又唔肯出來，一直係樹底，我又入唔到去，好似談判專家勸喻輕生女子咁[苦涩]帶埋飯來都唔得，我就企係個度叫左半個鐘，其實我怕到不得鳥，我唔怕鬼，我怕米奇，我係咪埋眼去叫小狗出來的。但可能夜晚，佢警戒心高，查了資料，流浪狗狗虛弱無力作戰，所以佢夜晚更需要留係安全區，加上無左任達華，無狗語言翻譯，佢更唔想冒險。
唸起16人格裡面有句分析我地infp的。
被infp喜歡的，一定係受過重大創傷的。
Infp自己淋住雨，都要為人撐傘。
好少一個人飲可樂
最近真系唔係好頂得順，所以飲左2次可樂了
身邊的朋友陸續知道都話要出翻份錢救小狗。
我覺得好感動我無識錯人，
但我目前都未要大家的一分一毫，我覺得係自己遇到的事就唔應該拖累人，只能自己克服。
友人話:唔係拖累，係集氣。