當你真正一直與社會的惡作戰之時，當你真正善良之時，你再也說不出：你那麼討厭就移民！呢種說話了。 我太能理解深圳個女仔面對吃🚬個件事，佢見義勇為反被如此對待，我何嘗唔係經歷過類似的？去打搖搖🔔，發現一條路都係投☠️的肉。啊snake回答：呢度咁cheap唔啱你，建議你去個更高大上的地方住。我地d cheap人講野係咁。
我唔否認有好的，但整體風氣就係：唔好比麻煩野我做。
我呢幾日特別煎熬。
係城市，我要面臨二手煙吐痰電動雞。我唸唔通，點解我正常行路，跟足紅綠燈，一直要被撞，要躲。要勞氣。我投訴無用，我發聲被封號，點解唔係對製造混亂的人執法，反而對無辜的我落手？明明受害的係我。好，我搬去郊區。係村每日遛狗，你會聽到的係不斷的狗吠，伴隨鐵鍊聲，掙扎聲。因為每隻狗都用鐵鍊緊鎖喉嚨。佢哋會跳高掙扎。但無從逃脫，鎖鏈又厚又短，無活動可言，一輩子終身監禁於牢籠之中，被迫看家護院護田，露天的日曬雨淋，有的放豬的磚屋就2平方坐一輩子監幫村民看田。儘管如此，佢哋依然忠心耿耿。
我會想像自己一輩子被鐵鍊鎖住渡餘生的痛苦狀況。
呢度對待伴侶動物唔係愛護，係利用。係工具。只有利益可言。

呢幾日煮飯帶出去比隻被遺棄的滿身滲血的狗狗，頭先個死撈婆仲鬧我叫隻狗行開。
佢話佢最怕狗。
我話她是流浪的我怎麼叫！狗有你可怕？
狗會造地溝油出來？狗踩酸菜賣給你？狗打詐騙電話？
怕怕怕，狗有人恐怖？
只要我係呢度出門一趟，就要遭受呢一切畫面。痛苦的，慘的，惡的。
輪流上演。
每日承受的呢一切真系萬分痛苦，
我會痛恨自己的無能為力。
我真系一番到屋企個刻我覺得我要面對呢一切惡與慘交錯我覺得好難熬落去，
我覺得我日常製造的美好並不是我多出來的能量去享受生活，
係我無法接受呢度的一切，
我只能創造心中的美好，
將畫面呈現出來實現短暫的自我滿足。
脫離現實的險惡一陣子。
出門遇到的唔係呢隻狗狗好可憐，一起愛護佢，而係叫他走開！一臉厭惡。
沿路遛任達華都係不斷地狗吠聲伴隨鐵鍊聲，掙扎聲，我好痛，我無法逐一救佢哋，
我都無法救自己了，我只要係呢片土地，我要面對的就係咁的打擊同無力。

我從細睇Tvb 卡通片講的愛與正義
，邪不能勝正。
我信了，我一直堅信。
睇壹號皇庭都係壞人會受到制裁，👮會奮勇作戰。
我都信了。
我就係睇電視睇壞腦了，
所以我去起訴商家二手貨當一手機賣的案，我係不斷被立案機構不斷阻饒我，甚至經歷了一年，係法庭被審判員惡言相向，我自辯勝訴，對方再次上訴，2個月過去了，法院依舊未通知再開庭時間。
就如友人講的，點都係輸，仲賠上青春。
要怪，就怪Tvb 洗壞左我個腦。
但已經無法扭轉，係我從細堅信的信念培養成的性格。
一路以來的種種經歷令我更明白深圳勸阻吃煙的女孩心裡最難受的係，正義得不到幫持，
反被該執行正義的人反吞滅。
泰國的狗狗可以隨意躺路中間好安逸，躺711門口涼空調好安心，泰國的廣告，審美，設計，都係領先的。
所以人的善良，審美，與經濟無必然聯繫，而審美卻係與善良掛勾，對美的追求就係嚮往美好的內心，一味講利益的決策者自然不會理會審美與質量。
比如造地溝油的，佢唔會想搵好的設計師幫佢的地溝油包裝得有品味。
好人有好報呢句話係支撐好人傻落去的勵志說話，做得多你就發現好人最快s，你睇三鹿奶粉，害了30萬人，都提早10年放監。有咩惡報，好人屈住自己更快s。
後續仲有一系列功夫要我去做。
既然我遇上了，就無法逃避。
我從小就想做律師，記者。
後來我話自己做了攝影師，呈現美好，都係一種貢獻。
今日我明白了，我只不過係換成掩耳盜鈴的方式。
慘惡依舊不斷上演。
而我的性格使然我無法麻木面對呢一切。
只能越活越勇敢去抗爭。
翻到屋企，見到我新娘的信息，我又淚流不止。
佢呢兩日一直叫我不要逞強，佢叫老公過來幫手搭隻狗去醫院，知道我地呢度有間廢棄商鋪，舖滿塵，之前另一隻被打到趕出門的金毛臨時住的地方。佢話佢老公可以過來打掃比呢隻流浪狗安頓。佢又周圍去發起募資。我同佢講呢件事係我自己遇到的，只能我獨自去面對。唔可以麻煩埋其他人。
我覺得唔可以拖累到其他人。
但佢依然不斷籌集醫藥費，
我話到時真系去了醫院我無法承受再同你講。你先保管好。
佢平時會成日同我一齊吐槽呢度，而佢都有一直救助狗狗。
越因為感同身受到弱勢的痛，先越恨社會的種種惡。越無法接受呢一切壞的真相。
所以個d只會講：你不愛可以走。呢種說話的人，我就想問，平時真系做過乜野實事。
我身邊同我一齊嫉惡如仇的，往往就係日常做社工義工，真正做好多好事的人。

早上我另一個新娘悄悄轉了2000過來我都轉翻比佢了。
佢話唸了好耐點說服我。我話你買2袋米用愛一齊救佢就好。
又有其他蕃薯私信我佢哋可以開車，集資，送狗糧。
我知道好心人仲係有唔少。
但始終，我都係要每日面對呢一切不堪。
好攰，好難撐，好難受，好痛。