今年是巨星#张国荣# Leslie 诞辰70周年，康乐及文化事务署 (康文署) 香港电影数据馆 (数据馆) 特别推出「 《流星语》4K数码修复版」放映节目，于26日晚上在香港文化中心大剧院圆满完成。今次放映节目为资料馆二十五周年志庆节目及「香港流行文化节2026」节目之一，导演张之亮及另一位发起成立「创意联盟」的导演张同祖，再加上戏中三位演员包括狄龙、林家栋和饰演小朋友明仔的叶靖岚也有出席首映支持。
分享难忘事
《流星语》香港首映门票早已全部售罄，电影放映前两位导演加上三位演员特别在台上分享当日的难忘事。张之亮忆述说：「当年经济比较低迷，对影圈有好大嘅影响，好多戏都上唔到同搵唔到投资方，嗰阵时开咗一间叫《创意联盟》嘅公司，用另一种方式去集资，去拍一啲优质嘅电影，重新吸引返观众入去戏院睇戏。好多谢张国荣，佢以零片酬嘅方式去支持呢件事，亦都多谢台前咁多位，冇佢哋就唔会成就到流星语，今日心情真系好激动好感激。」张同祖补充：「张国荣系我其中一位尊敬嘅演员，为咗电影工业，佢可以唔计较收益。」
答谢观众支持
狄龙分享前先跟全场观众打招呼：「观众朋友你哋好，多谢你哋一再支持呢部电影，呢部电影能够修复再重影，我哋多一层开心，多一层期望，因为呢部电影系充满爱同埋暖流。当初点解我会接呢部电影？因为我打听咗导演张之亮系一个点嘅人，其他人同我讲导演嘅花名系叫做阿细，因为佢生得好细粒，但系佢人仔细细多才多艺，为咗电影唔怕闭翳，同埋我睇过佢拍嘅《笼民》，所以我知道呢个导演一定会系好导演，我心悦诚服。今晚我再次出嚟同大家见面，我觉得呢部戏值得怀念，尤其是哥哥精彩嘅演出，同埋我哋嘅小朋友明仔，佢而家已经系英俊潇洒，叫明哥，佢话如果有好嘅剧本，佢唔介意将佢拍电影嘅第二次献俾观众。我唔多讲啦，喺我身边系一个好出色嘅制作人，佢系林家栋先生。」
家栋接力说：「大家好，其实嗰时我仲喺电视台，啱啱张之亮导演嘅助导阿Chris搵我，嗰阵时我都唔知系乜嘢事，只系觉得可以离开电视台出去闯都好喎，后尾知道原来系拍张之亮导演，有得拍哥哥同狄龙哥哥，仲有好多好多人。其实我同你哋一样，读书时都系听张国荣，所以我好开心。好多人成日问我套戏印象最深刻系乜嘢？其实就系两个男人嘅浪漫，当其时有场戏就系喺海旁，哥哥讲佢最失意嘅时候，同我倾偈，其实我到而家都系记忆犹新，反观我而家睇返成部戏，正如头先祖哥所讲，我哋欠缺嘅就系创意，其实系嗰阵时导演张之亮已经系一个行得好前嘅人，我希望呢个创意联盟喺嗰阵时就影响到而家，什至乎系将来，有更加多电影人喺电影方面嘅题材系更加爆棚，因为得益嘅都系观众。」小朋友明仔叶靖岚说：「如果真系要记住其中一幕，我最记得就系我同哥哥喺床上边，大家摸大家耳仔，佢唱住一首儿歌凼我瞓觉，同埋塞咗啲罐头鱼喺喺个盒入边俾我食，我仲记得嗰阵每一刻嘅感觉。」最后狄龙大哥补充说：「千金难买今夜欢，万金不换当年情，我哋向张国荣致敬。」
（文：am730）
————————————
张之亮导演、狄龙及林家栋等26日到文化中心出席《流星语》4K修复香港首映活动，当年演张国荣“儿子”的叶靖岚也有现身。
对于今次将《流星语》修复，狄龙坦言：“我哋呢部戏冇爆炸，冇枪战，温情为主，几好嘅，同埋对哥哥（张国荣）都系一个怀念。”
林家栋在《流》中饰演哥哥张国荣的同事，他指两人当年也有很多对手戏，戏中两人在沙滩诉心声，算是男人的浪漫，而私下两人也成为朋友，当时自己住清水湾，哥哥也经常载他回家，因两人也会去一位前辈家中打麻雀，笑指哥哥做他司机，“嗰时我冇车，我停牌，佢就话‘我车埋你’，点知嗰个系两人座位，我问三个人点坐，佢话你迫小小坐Dog sit，佢真系揸架波子车我回家，我呢啲后辈能够同巨星有机会合作已经好好，系好难得机会，仲要镜头以外有咁多交流，是很好的回忆。”
叶靖岚受访时表示演这出戏是27年前，自己与哥哥张国荣有几幕演出比较深刻，到现在还记得，当中包括是与哥哥一齐瞓在床上互相摸耳仔，以及哥哥喂自己食罐头鱼，唱住歌𠱁他瞓觉的一幕。提到现在再看与哥哥的合作，问到是否会有感触？叶靖岚说：“喊又唔会，好大感觉，好似有小小发紧梦咁，呢啲机会系好神奇，最神奇系27年后见到大家，多得张之亮导演同当年嘅阿荣（哥哥戏中的角色）！”他指拍完《流星语》后也跟哥哥和梅艳芳一起拍电影《烟飞烟灭》，自己当时亦是做哥哥的儿子，问到之后为何不再拍戏？他笑言当时年纪太细，不是自己能够决定，是爸爸妈妈处理，长大后虽然没有特别抗拒拍戏，但没有很大的契机，现在自己在香港做医疗行业的工作。
（source: 星岛头条）