#日本##京都#
我好深刻多年前一次日本旅拍，當日天氣一般，於是無影。後來客人話，佢聽我講宇治個間懷石料理好精緻，佢打算訂了一起去吃，結果我當時頭也不回咁一個人走了[笑cry][笑cry][笑cry]
我當時係覺得唔使影，就唔好跟住人去吃啦，費事人地請埋我。所以我就一個人去閒逛了，我唔知道佢哋咁有心[苦涩]
後來我一個人行左去鴨川，個段時間仲係自己的生日，當時未有遊客太熟知呢個地方，我就買了一小束帶有蘋果仔同藍色飛燕草的花束，一個人漫步係鴨川，微風輕拂我的臉，抬頭仰望樹葉枝條擺舞，感覺真的很美好。
時至今日，我又重踏呢片故土，更多了一份細緻去留意。
大家踩單車路過，依然有著住櫻木花道嘅個種男子校服的學生企住踩單車加速，真系好元氣好日劇，小時候有部日劇叫《錦繡前程》，我最記得係羅記唱嘅：斜陽裡，氣魄更壯，斜陽落下，心中不必驚慌。每每見到日本人踩單車個股朝氣，我就唸起呢首歌。剛好碰上週末，人雖然多，但卻令我感受到更多居民的生活氣氛，大家挪野餐墊出來露營，係櫻花樹下吃著三文治，望望天空，小孩係川溪之中嬉戲，長者們都有自己的遊戲，好多群學生扎堆相聚搞活動，有的一齊練舞，好似寶礦力廣告的即視感。舞姿颯爽。成個鴨川都青春活力，無人低頭玩手機吃煙，大家臉上都係洋溢著笑容。
我當時唸，身邊邊個想做晴天娃娃，帶佢過來鴨川一趟，心理醫生都唔使睇了。
我感受到了久違的生命力，我真系好唔開心，就會來日本獲取能量，我今次唸，原來我唔係從風景獲取身心舒暢，係從佢哋臉上的笑意，包括你去買個15蚊的包，佢都笑得好開朗咁雙手遞比妳，同你講多謝的敬意。誠意滿滿的那樣。
就如友人講的，人與人之間就係一面鏡子，佢個日開車入停車場，個保安呼喝佢，佢就好嬲了。
我話我來到日本，大家都笑住對對方，呢種暖心，就係我獲得能量的重要途徑。
我都會不自覺咁嘴角向上揚。
呢個地方，好適合情侶過來，一齊仰望藍天，一齊低頭含蓄又怕醜的笑。一齊吹住微風，感受生命的美好，欣賞前方的風景，係伴著旁邊最美的風景。
呢兩日一直循環徐佳瑩的「不捨」
裡面每句歌詞都好好。
有氣勢又溫柔的力量。
搭配呢度的景色就有句：
所有的風景都不及你。