#日本#
每日遇到好多人好多事，逐件寫低先。
今晚去左一間大約20方左右的小店，因為半個月無吃辣野了我頂唔順，係Google搵間擔擔擔麵吃，
發現間店只有一個男生服務客人。
佢生得青靚白淨，戴住副斯文的眼鏡，似d開跑車個種v wet花fit男生嘎其實！
但相反，非常兢兢業業勤勤懇懇！
招呼，打掃，烹飪，通通都係佢一個人做。
店裡無人會催佢，睇完菜單想落單都唔會出聲，等佢忙完一件事再同佢講。因為大家都眼見佢一腳踢了。
一邊廚房又傳來熱油的滋滋響，佢翻炒菜品的鑊鏟聲。

份麻辣雞串，2串滿滿的一盤，先18蚊喔人民幣，太可怕了呢個良心價。呢盤材料實在的麵40蚊。可樂幾蚊。
我都不敢相信，我以為菜單上寫的係一串的價格！
個擔擔麵我點的係豆乳擔擔麵，個油波辣子真系好香！我每次係日本吃到的擔擔麵d辣椒乾同花椒都特別香，佢哋選取的材料品質會更好。哪怕都係從四川購入，我自己都買過好多次辣椒乾同花椒，一定係要價格高的先會夠香。平個d無香氣的。吃了兩啖，店裡面的歌播到first love！天啊！！！！氣氛嚴重加持了！
又美味，又憂鬱，變成了有情懷的氣氛了～我就叫上一杯可樂了，我好少自己一個人叫可樂，但如果同朋友一齊，份食物好值得我配可樂的話，我會覺得飲啖可樂係更幸福的事！
有個人同我講過：杯可樂好似特別好飲。
我話：可樂，要分享先會特別好飲。

我同店的呢個男仔講：我每次來日本都會搵擔擔麵吃，因為比在中國吃到的好吃太多了，而你做的這份，我感受到幸福的感覺，超開心！你要加油。
我內心有好多文字，我覺得總不能只有我自己知道，我要話佢知我的感受！

我本來打算等佢忙完先比手機翻譯的日文佢睇，但真系唔好意思阻佢，於是我手寫要對佢講的說話，靜靜咁放低紙條係佢收銀台就走了。因為我覺得，比手機佢睇，只會一閃而過，而字條，佢可以記住自己的努力有被看見，呢份肯定佢可能會保留很久以鞭策自己繼續好好生活落去。或者可能，我都唔捨得走，繼續沈浸係呢份一個年輕人熾熱拼搏的感動裡面 。
我知道言語的力量係好大的，佢有被鼓勵到的，否則就唔會每個客戶走，佢都係廚房裡面講多謝曬。
唯獨我悄悄走了，我聽住佢係廚房洗緊碗，我行到出門口以外的10米了，見到佢好急促打開門衝出來
笑住同我鞠躬講多謝。仲講d我唔明的說話。
佢衝出來的樣子，好似我要同天賦結婚了，佢打開教堂的門口衝入來阻止我咁。
，嗚嗚嗚嗚，我地彼此都無辜負大家，有比好好的道別對方。
但佢未知我留左紙條比佢，道別的時候，我同佢講了我寫左一段話比佢。
啊⋯⋯我可以搵到佢，不過佢搵唔到我了。
其實我不過路人，回頭就再找不到。
佢從不失去笑容，自然且感人。

我覺得男生努力上進就係最大的魅力了，有無錢都係其次，肯捱肯做肯博，就係好迷人的了。

我寫比佢的個段話係咁的：我寫左一段話：你一直保持笑容，哪怕我感覺其實你可能好忙好累，但還是會對著客人一直保持燦爛的笑容，而且一直忙裡忙外的，一個人打理店舖，真的很努力，讓我看到的日本人那種很拼搏，又特別努力做好的樣子，我坐在這裡，想起了那部《深夜食堂》的戲，這種溫馨小店，比那種大店更有溫暖的感覺，而且你真的很努力，努力工作的樣子令人感動！