#日本##京都##無處不搭色#
今日我個無處不搭色實在太搭色了！
尤其去左一個古老商場，裡面個洗手間竟然非常古典美！！！睇到八十年前的個種古典美感！
同我今日的水藍色太契合～

今日去的呢間店，我真系要單獨為佢寫一篇。
早上我先唸，如果有一樣食物，係需要我去思考，佢到底放左咩野材料係超出我認知的話，咁呢個烹飪的人，真系無敵厲害了。
而且如果我真系缺乏個種香料的知識，我會去刨根問底個廚師的。至今只有日本的一杯lemonade 同香港瑰麗的印度餐廳個杯拉茶值得我深究然後再自己翻屋企復原。因為用左d香料，我仲專門去中環d印度香料街買。
因為我係個對知識考究求知慾巨強的人，比如我見到櫻花我會唸，到底佢哋從古野生存在，定日本人種的呢？然後我又企路邊搜了一番資料。
又或者我見到d日本人好白，但唔戴帽唔擔遮照曬，又點解唔怕黑？我又企係街查一輪，原來佢哋基因係唔容易黑，因為處於高緯度，所以基因裡會發展成幫佢哋抗黑，而我地廣東人又黃又黑，係我地處於低緯度，要黑，先無咁容易曬傷，加上我地長期日照大，又吃得有胡蘿蔔素的食物多，比如芒果木瓜南瓜等等⋯⋯北方冬天長日照短所以佢哋白裡透紅⋯⋯
我經常唸方案解決問題，係唔需要經大腦，馬上會唸到解決辦法，因為我涉獵範圍太寬廣了😂⋯⋯真系唔係自賣自誇，係太喜歡思考然後搵科學說法了。加上一直唸野就轉得快，又擁有大量知識馬上調動到解決辦法。

今日去的呢間cafe，店主幾似楊紫瓊，店裡面禁止攝影，佢婉轉咁話太多人過來影相，導致無法好好品嚐食物，影到食物都凍了，佢笑住解釋表示遺憾的，但我話我真系忍唔住，見到靚野就發曬狂。佢就破例比我影。
甜品的刀叉羹靚到不得鳥，用一塊水晶石做羹托。
如果係我，就唔捨得比客人用了，就好似深圳一間我欣賞的甜品店，佢d刀叉成日比人偷😂
日本的木台如此乾淨清爽無油污，哪怕殘舊的拉麵店木台都係清爽的。我唸，要食客都非常自律小心保護，唔吃到周圍都係。就好似我住青旅，就算200幾蚊一晚，大家係用餐間都會帓翻乾淨自己的台面，唔帶麻煩比人。
跟住講到份甜品，我覺得係我至今吃過最有水準，排世界第一都不為過，簡直驚為天人，好似我d攝影咁，厲害到衝出大氣層了。
份pannacotta 我見menu寫係豆乳布丁配佢哋的sauce，我唸住都係咁的味道的了，估計都係日本仔作風，甜椰椰！
哇，結果一啖就頭頂10萬個燈泡叮叮聲。唔甜的豆乳做的布丁，個凍汁好特別，有我未吃過的香料味，而唔係純糖漿！又因為2塊玫瑰花瓣帶出一點玫瑰香。個凍汁又夠冰，好特別！一問之下，原來個凍汁係佢哋用佢現場出售的茶葉浸泡出來的，係香料茶，個品牌係法國品牌，但個茶園的boss係中國人。
我聞了一下個隻茶葉的味，就係我都買過的香味，但我唔鍾意飲個d香料茶的，封喉，而佢用來做冷泡凍汁，又帶有茶香花果香植物香，太極致，係超乎我想像的味道。
仲有個季節限定水果撻仲震撼！
第一啖係薰衣草的香氣同豆乳再配上呢種日本小柚子的酸甜帶著微甘，唸了一下，佢撒了幾粒薰衣草落去，所以引出香氣，同豆乳如此夾，因為係素食的甜品，無用蛋奶素，用了豆乳代替奶油，更顯得清爽又充滿豆香。
個撻底雖然唔係鬆化路線，因為素食做的撻底唔放牛油，所以都係有一點硬的口感，但不妨礙佢好吃，咬到小麥谷香！
日本的柚子又特別清香，真系成份甜品都太享受了。
我同店主講呢2份甜品都係我走訪了數十個國家，認為排名第一的甜品了，因為佢唔係眼見即所得，係吃落口先品嚐到內裏乾坤。
我覺得日本台灣的店就係咁，總有自己的特色主打，唔會人云亦云，但我係國內就無咩店值得我去探索，因為都係你抄我，我抄佢，一睇就知咩味道了，無去深究鑽研原創的獨特風味。
或者茶飲店買d包裝核桃酥比人就圍爐煮茶，真系惡劣！

我個人平時無法讚d我覺得唔靚的野，你叫我講大話憋幾句詞出來，我真系寧願扮啞！
但係我吃到好吃，見到好靚的野，我可以主動去搵當事人，滔滔不絕咁讚，從I變e，我希望佢哋的努力能夠得到正向反饋。
正如我的作品被表揚，我都會好開心更大動力奮戰落去
今日係muji見到水藍色的棉麻
真系非買不可了，今次來日本我都無購物，唯獨係muji了，因為搭的廉航，買了20kg行李，來的時候已經19kg了，回程要著10件衫3條褲係身先上機了，唔得就3條裙2條褲疊加！！