#日本##樱花##無處不搭色#
我企係度影相，坐係度欣賞風景的老太同我講，3月會更靚呢，呢家櫻花有凋落了「我猜的，佢好努力解釋，哪怕我唔識日文，佢圖文並茂，我聽得明三月，用邏輯推理，佢又挪出手機比圖片我睇」
日本人就係咁，佢好熱情好主動，哪怕雞同鴨講眼碌碌，佢哋依然使盡渾身解術盡力講。
然後又到另一個坐係度的男仔用日文同我禮貌打招呼講野，我用英文話我唔識日文，抱歉笑笑我就行開了。
結果聽到佢同另一個男的用煲冬瓜繼續交流⋯⋯😂
我就唸，來到一個友善的地方，大家都愛搭話了，哪怕係中國平時大家都唔會主動交談。

要睇到更多人地難以觸及的風景，自然要比人用更多的心同洞察力去發掘。
我又唔鍾意從眾，反骨小蝴蝶。多人去的，我就唔做了。
要睇到更小眾的風景，就要走更多的路。

比如去呢個有櫻花同油菜花的地方，落了火車來回都仲要行差不多2個鐘路。
行的係田野，回程夜媽媽，泥濘又唔平坦的路。
一直做住能人所不能的事。
我都好想感受下會怕黑，會尖叫的感覺。
我有個同學，佢真系條路黑小小都藤曬雞。
我唸了一下我唔怕黑的原因，係我唔會去驚道聽途說的事。
比如怕黑，無非就係怕鬼。
鬼就係電視話你知的。
佢唔係一定會係漆黑中出現的。
唔係你務必當前要面臨的困局。人生要應對的困難太多了，已經無空間留比呢種假想出來的恐懼。

我的脆弱只會係情感，動物，親人的病難窮困之災。
呢d係你實實在在要面臨的苦難。

呢日的早上我為了影櫻花差d跌落河堤裡面，因為地下濕滑有青苔，已經撻生魚咁，周圍的人尖叫，個老太過來想扶我，我話我可以自己爬翻起身，我怕我拉埋佢落去😂
佢一直問我「大丈夫？」日文意思係「沒關係嗎？」dai jor bu
我僅有的詞彙量了「大丈夫，大丈夫」
然後笑笑企翻起身。
這就是我。
所以有的人注定幸福，有的人注定要捱。
只要肯吃苦，就有吃不完的苦。

好多人成日話好想同我一齊旅遊。
我就問，邊個可以半個月都每日行8個鐘以上。係行路！

走的漆黑不平坦之路放評論區先夠位了