傳張振朗拒交TVB管理社交平台被減Job　楊偲泳望TVB咪牌笑問：出唔出得㗎？
.
楊偲泳（Renci）昨日（8日）出席主演電影《廚師發辦》首映，被問男友張振朗可曾透露過社交平台要交由公司管轄一事。

「我今日睇新聞見到呢件事，但係因為我唔係好了解個新聞係關於啲乜嘢，佢講社交媒體嗰樣嘢我唔係好清楚佢表達緊啲乜嘢，所以唔方便講太多，但係只不過係講笑啫？冇理由無啦啦……我會覺得好赤裸，可能都係講笑啫。」

講到張振朗因不肯答應公司要求而遭減Job，Renci就望一望TVB的咪牌笑說：「呢個真係唔知，出唔出得㗎咁敏感嘅話題？」並以要趕入場睇首映為由，禮貌表示：「我都唔清楚呀，我要入場啊，我唔知呀！」身旁的盧鎮業（小野）也幫Renci解圍，笑說：「佢真係唔知㗎，唔好再逼佢啦。」

最後，記者問到若Renci公司要求她交出社交平台密碼，她會否答應，她坦言不會，又以小野及其女友廖子妤（Fish）做擋箭牌：「梗係唔得啦！我入面有好多⋯⋯譬如我同阿Fish有好多對話，小野都唔知得㗎嘛。（小野：係呀，成日傾偈呀佢哋。）公開咗俾人知道點算呢？唔可以㗎！」#TVB[超话]# http://t.cn/AXMG1LeA