呢個品牌係由三位新加坡嘅美女創辦人 — Arissa Cheo、Lin Ting 同 Yoyo Cao，喺2022年一起創立㗎。佢哋三個各有不同背景，卻因為一個共同願望而走埋一齊：為亞洲人打造真正適合嘅化妝同護膚品。
Arissa 本身係敏感肌，一直搵唔到夠溫和又好用嘅產品，所以希望研發無刺激配方；Yoyo 經常要周邊出差，極之需要輕便、保濕力強又易上手嘅妝品；Lin Ting
就係兩孩媽媽，講求護膚化妝步驟要簡單高效。佢哋發現市場上好多產品都唔夠貼近亞洲人膚質，於是一拍即合，創立咗呢
個品牌。
Romi Beauty Club 嘅核心理念係「肌膚為本」，強調「品質勝於數量」。所有產品都會剔除對羥基苯甲酸酯、硫酸鹽、合成香精呢啲容易引致敏感嘅成分，只嚴選高效活性成分，再配合多功能設計，令護膚同化妝可以一氣呵成。品牌名「Romi」源自海洋嘅意思，代表住無限可能同自然之美，希望令每一位女士都可以用最簡單嘅方式，展現出屬於自己嘅光彩，喺忙碌生活中都可以好好愛錫自己。
作為美妝愛好者，我十分欣賞呢三位女性，佢哋懷揣住最直接熱誠嘅初心，唔單止為自己喜好，更為廣大女性用心研發，呢份純粹好難得。見到佢哋嘅產品順利上市，憑住實力收獲認可，真心為佢哋開心，亦好認同佢哋專注女性需求嘅初心。