【ins更新】#20260122# .
新一年嘅新任務：開拓一下陳卓賢歌詞世界嘅可塑性。

老實講，呢個歌名其實我想寫好耐，從來冇諗過俾 @iancychan 但今年細心諗諗：Why not ？點解要局限自己又局限陳卓賢呢？佢擅長嘅做得好嘅嘢過去幾年大家都相當清楚，沿住舊路再走落去可能就係重複，所以都係時候發掘吓佢其他嘅可能性。唔試又點知佢唔適合呢？

結果佢第一日入錄音室之後，我聽咗新歌試唱版， 我又覺得咦原來都相當稱身喎。未來如果仲有機會我仲想喺佢身上試多啲唔同嘅嘢，睇吓佢嘅曲風同埋vocal究竟可以去到幾高幾遠？ 又多謝Ian嘅完全信任俾我寫多幾款唔同嘅劇本俾佢演。

一個雙子座嘅怕悶同埋唔甘心停滯不前，相信唯有另一個雙子座先至會深深明白。

歡迎大家一齊聽吓呢個小小辛辣嘅新Ian會唔會先係大家最想得到嘅新鮮感。