同樣改編“西遊記”以師徒取經過程為題材發揮，昨晚上我睇呢齣係我近年睇過最佳改編，沒有之一。昨晚是「香港音樂劇節2026」在西九上演來自新加坡的音樂劇《新遊記》（香港站）。
這個音樂劇作以西遊記四師徒（+白馬）於取西經過程，穿越時空去到新加坡，劇情由萊佛士引伸，有紅頭巾女工、牛車水、新加坡美食．．．內容很是豐富，係一個充滿好奇嘅歷險故事，特點係：充滿積極樂觀精氣神，此劇體現的正能量，是真正暖人心、帶積極動力的正能量，而不是虛假揶揄以諷刺腔調調侃的陰陽怪氣．．．

這個劇主題角色非常正面兼有創意，有認為＂名著是不可以改編＂～ 我認為是不懂文藝的一刀切愚蠢判斷。

藝術總監梁文福我相識多年，是真正高手，曲詞悅耳到位；編劇導演王嘉翔Garrick在有限的舞台空間做出多端變化，節奏緊密，有熱鬧氛圍、有喜感有品味有情調。他在我團工作多年，他謝幕時感謝我，我倒為他導技的進步感到榮幸高興。

昨晚的十多位演員都來自新加坡，又唱又跳又演水準平均而上承，唯一港援演員是春天演藝課程阿Ken李衞銘，因演出畢業作＂人間有情＂男主角而被看上獲邀參演。

聽說新加坡政府有資助今次這個演出，當地民間資源亦大力支持，今次成棚人嚟香港，我認為公帑的藝術資源用在這個製作，可以話“抵曬” ！～ 我相信昨晚滿場觀眾睇完呢個show都有要去新加坡玩幾日的衝動！！☺️☺️
究竟公帑應該資助啲乜嘢藝術作品？