成都結婚周年之旅-第二日
早上8:00已經去到熊貓基地，一心衝去排隊睇網紅熊貓花花，睇吓究竟係點樣冇頸法，唔比較當然冇傷害，睇咗其他嘅熊貓之後，佢的確條頸係特別唔明顯。但另外一個驚喜係，排隊見花花之前，佢有位鄰舍叫蝌蚪嘅熊貓，坐正正喺圍嘅前，左右手並用，非常伶俐咁撕拆竹葉，好似一個人著住件熊貓毛毛衫扮熊貓咁，極之有趣可愛，顧住欣賞都忘記拍低紀錄，影片中爬到好高，喺樹上面悠然自得咁食竹，十足功夫熊貓，都係蝌蚪，多謝佢出色活潑嘅表現。

希望在三星堆愛遇到嘅流浪小狗能夠一生無驚冒險平安順遂🙏🏻

另外一贊三星堆講解員非常專業，人多到不得了，佢不慌不忙，保持溫柔嘅聲線作出專業詳細嘅講解，整個講解總長1.5個小時，資訊量爆棚，如果冇佢嘅講解，早就會因為人太多、覺得煩擾、冇辦法集中，唔知自己睇緊啲乜，而頂唔順一早離開。

晚餐：馬旺子
是米其林一星新派川菜，菜量足、人均百元，味道清爽夠味，經典與創新兼具。相當好生意，可以預早「攞飛」，再到旁邊太古里逛逛，時間就好過多了。
#成都生活#
#成都旅遊#
#成都美食#
#成都熊貓#
#熊貓基地#
#結婚周年之旅#