#汪明荃[超话]# 羅家英陪阿姐汪明荃遊不丹 唐僧上身驚喜獻唱《Only You》親身體驗結婚儀式 曾四度患癌感觸良多

唐僧上身驚喜獻唱《Only You》
家英哥的鬼馬性格絕對充斥整個節目！話說二人其中一站是到當地的卡拉ok酒吧體驗，為了給阿姐送驚喜，家英哥於阿姐點唱《華麗轉身》時「借尿遁」，並極速變裝「唐僧」突襲獻唱個人首本名曲《Only You》，到底阿姐會點反應？可以透露的是，阿姐提及家英哥突龔送驚喜時，說了一句可圈可點的話：「佢話佢去洗手間一陣，但佢去咗一陣都未返，見慣不怪啦，因為佢成日都係咁架啦！」

羅家英笑阿姐「冇佢修」？
未知是否為了回饋家英哥，阿姐在節目中有主動親手餵老公食蛋糕，大呼「甜到漏」的家英哥事後要求「餵番阿姐」，可惜卻慘遭阿姐「派檸檬」、被狠狠Ignore，家英哥只好打圓場謂：「佢冇我修咯，鬧又唔係、嬲又唔係、笑又唔係，唯有唔做表情咯。」最搞笑是，當家英哥「揦番拃沙」時，阿姐繼續食蛋糕零搭嘴，而家英哥在第一集不丹之旅曾笑言早已習慣與阿姐如此相處：「我講嘢哩，佢隻眼會好似唔係聽緊我講嘢咁，就等於對牛彈琴，講咗等如冇講。」

四度患癌家英哥感觸良多
除了搞笑，這兩集還有感性位。阿姐和家英哥體驗了當地別具宗教色彩的「壇城沙畫」，壇城沙畫的的核心意義—「無常」，特色是每位作畫者完成作品後，必須將其摧毁，用以提醒人們「世間萬物皆是短暫」，不應執著於任何事件。對此，曾四度患癌的家英哥煞是感觸，並透過自身經歷勉勵觀眾：「人生就好似沙咁，因緣而聚，就係咁簡單，我用呢個方式開解自己。」