#汪明荃[超话]# 獨家．風華背後丨汪明荃出動私伙首飾拍攝

匯聚多位好戲之人嘅重頭劇《風華背後》，拍攝得如火如荼，汪明荃、姜大衞、朱茵、蔡少芬、譚俊彥同鄭希怡等盛裝現身拍攝，一幕講述集團60周年嘅慶祝晚會。整個團隊作出最好嘅準備，為咗呢幕戲份，一眾演員都一絲不苟做足準備，阿姐仲出動自己嘅私伙首飾配搭服裝拍攝。

John哥同阿姐首次飾演夫婦，而飾演佢嘅細女同女婿嘅朱茵同阿Shaun都話今次係難得機會，朱茵自認係阿姐嘅粉絲，接觸過偶像之後，感覺到阿姐好親切，由於自己從小就睇阿姐嘅作品，所以對阿姐嘅嘢好熟，而John哥就係前輩中嘅前輩。阿Shaun就話等待同阿姐合作，足足等咗15年，所以開工時好珍惜同阿姐相處時間。 http://t.cn/AX7A3QVi