#林保怡[超话]# #林保怡# 下月初登六謝絕邀約 再奪視帝呼聲高平常心看待

林保怡 應多年好友 常霖法師 邀請，參與一個放鬆身心嘅活動，透過品茶同做陶瓷自我沉澱釋放壓力。Bowie製作咗一對陶瓷杯作為義賣用途，雖然離遠望對杯好似冇乜特別，但原來杯底係內有乾坤，因為Bowie各自喺杯底寫上「保」、「怡」，佢解釋自己個名「保」字係有保護意思，而「怡」字係快樂咁解。望住自己嘅作品，Bowie自覺仲未滿意，希望可以多啲機會去培養呢方面嘅情懷。

下月4號就係Bowie嘅60歲生日，不過佢就話多年來都冇特別慶祝，因為自己覺得每日過得開心已等同生日。朋友間亦知道自己非常深閨，甚少外出應酬。雖然收到唔少朋友約食飯，但Bowie都回覆大家推遲。而問到生日願望佢就希望大家都開心，香港嘅市道好啲，最大願望就係世界和平。

性格低調嘅Bowie對於獎項一樣佛系，好多觀眾都睇好佢憑《刑偵12》再奪視帝，Bowie反而就平常心，因為活到今日對獎項已冇乜所謂。Bowie亦期待有新作邀請，更希望同新嘅演員合作，藉此喺對方身上學習新事物。

credit to TVB YL新聞台 http://t.cn/AXv8WiHn