#李幸倪[超话]#

《随时随地》对我嚟讲，唔止系一首歌，佢更似一段同自己内心深处既对话。

第一次录完音，我忍唔住一遍又一遍咁听自己唱嘅版本。旋律好易触碰到我内心，有时仲自然流泪，但嗰啲泪水唔系因为伤心，而系一种温暖，似揾番一个好了解自己嘅朋友。

制作嗰阵，首歌仲未公开，净系得我一个人循环播放，感觉有啲孤单，但亦畀咗我机会，坦白咁同自己对话：「其实我，并唔系无事」，呢首歌可以令我地安心释放情绪，重新揾番自己。

平时我好少loop自己嘅作品，因为好容易会进入「挑毛病」嘅模式：「呢句可以再唱好啲吗？编曲争啲咩？」。但《随时随地》就算系最初版本，我已不停重覆听好多次，唔系因为佢完美，而系佢够真，似一个好温柔嘅拥抱，包容咗我所有情绪，慢慢被治愈。

呢首歌好适合喺夜阑人静，你想放低防备停一停嘅时刻。我希望，佢可以陪你揾番自己，释放压力，甚至打开内心深处嘅角落。

第一次听呢首歌嘅时候，你会唔会喺旋律入面揾到久违嘅自己呢？

#随时随地