終於背完劇本，有少少時間靜靜地回味吓，我一班好朋友為我生日帶嚟嘅驚喜。冇諗過、冇預感，會咁開心咁渡過咗其實唔係好想面對嘅一日。
其實喺我生日前兩日，陪伴咗我13年嘅Noble因為身體不適突然離世，我心情跌到落谷底，由於要對Man姐負責，所以強忍淚水，盡量做到秒速平復情緒。
就係咁樣，完全唔打算有任何慶祝活動。
點不知，計劃永遠都唔夠變化快，一打開門，全部friend彈晒出嚟，嗰吓真係嚇一嚇！仲好記得你哋一張張充滿愛嘅笑臉，你哋嘅笑聲讓我忘記一切，亦超越一切！仲要突然宣布第日放假一天，心情簡直衝上雲霄！
其中一個環節，播放我嘅偶像、我嘅朋友暖暖嘅祝福，有令我尖叫嘅、又令我忍唔住笑咗出嚟嘅、亦有令我感動流淚嘅…多謝你哋每一位，我太幸福了！有一班咁錫我、咁愛我、咁好玩、咁癲嘅好朋友！
所謂一浪接一浪，轉場之後，估唔到再有一班人彈出嚟，正是開到如火如荼嘅「新聞女王」演員、監製同導演。就係咁樣，我生日嗰日係我全年最開心嗰日～放心冇斷片，全部在心中！I love you all❤️
P.S 特別鳴謝我至愛嘅好友及經理人@JoanneChan陳易遙 悉心嘅安排！You are the best！Love you bro💋盡在不言中
@文頌嫻Annie @姚樂怡Sherming @周家怡 @周家蔚JanetChow @湯盈盈 @Toby梁靖琪 #鍾丽淇# @佳佳导演 @陳山聰 @黄宗泽 @shaun譚俊彥 @李施嬅selena @麥子樂Bryant @王敏奕Venus @陳穎倫ALLEN @吳業坤 @Matthew何廣沛